အနက်ဖွင့်ဆိုချက်များ

* Avast – Avast – အခမဲ့ ဗိုင်းရပ်စ် ကာကွယ်ရေး ဆော့ဗ်ဝဲတခု ဖြစ်တယ်။

* Basic Input/Output System (BIOS) – ကွန်ပျူတာ တလုံးရဲ့ပထမဆုံးနဲ့ အတွင်းပိုင်း အကျဆုံး ဆော့ဗ်ဝဲ အဆင့် ဖြစ်တယ်။ BIOS က ကွန်ပျူတာ စဖွင့်ချိန်မှာ တောင်းလာတဲ့ စကားဝှက်တခု အပါအဝင် ကွန်ပျူတာ စက်ပိုင်းဆိုင်ရာ အဆင့်မြင့် ဦးစားပေးချက် အတော်များများကို သတ်မှတ်ပေးတယ်။
* Blacklist – တားဆီး ပိတ်ပင်ခံရတဲ့ အတွက် ဖွင့်လို့ မရအောင် ပိတ်ဆို့ခံရတဲ့ ကွန်ရက် စာမျက်နှာတွေနဲ့ အခြား အင်တာနက် ဝန်ဆောင်မှုတွေ ပါဝင်တဲ့ စာရင်းတခု ဖြစ်တယ်။
* Bluetooth – အတည်သတ်မှတ်ထားတဲ့ လက်ကိုင်ဖုန်းတွေထဲက ဒေတာတွေကို အနီးကပ် အကွာအဝေးကနေ လွှဲပြောင်းပေးနိုင်တဲ့ ရုပ်ပိုင်းဆိုင်ရာ ကြိုးမဲ့ ဆက်သွယ်မှုတခု ဖြစ်တယ်။ Bluetooth ဟာ လှိုင်းတို ရေဒီယို ထုတ်လွှင့်တဲ့ စနစ်ကို အသုံးပြုထားတယ်။
* Booting – ကွန်ပျူတာကို စတင်ဖွင့်လိုက်တဲ့ လုပ်ဆောင်မှု ဖြစ်တယ်။
* CCleaner – လတ်တလော သုံးစွဲခဲ့တဲ့ ပရိုဂရမ်တွေနဲ့ Windows operating system ရဲ့ hard drive ထဲမှာ ချန်ထားခဲ့တဲ့ ယာယီဖိုင်တွေအပါအဝင် အထိခိုက်မခံတဲ့ သဲလွန်စတွေကို ရှင်းလင်းဖယ်ရှားပေးတဲ့ အခမဲ့ ကိရိယာတခု ဖြစ်တယ်။
* CD Burner – CD အလွတ်တွေထဲမှာ ဒေတာ ရေးကူးပေးနိုင်တဲ့ ကွန်ပျူတာ CD-ROM drive တခု ဖြစ်တယ်။ DVD ရေးကူးကိရိယာတွေက DVD အလွတ်ထဲကို ရေးကူးပေးနိုင်တယ်။ CD-RW နဲ့ DVD-RW drives တွေက သတင်း အချက်အလက်တွေကို အဲဒီ CD-RW (သို့) DVD-RW ဓါတ်ပြား အပေါ်မှာ တကြိမ်မက ပယ်ဖျက်ပြီး၊ ပြန်ရေးကူးပေးနိုင်တယ်။
* Circumvention – ပိတ်ဆို့ခံရတဲ့ ကွန်ရက် စာမျက်နှာတွေနဲ့ တခြား အင်တာနက် ဝန်ဆောင်မှုတွေကို ဖတ်ရှုလို့ ရအောင် အင်တာနက် စစ်ထုတ်ကိရိယာတွေကို ပတ်ရှောင်ပေးတဲ့ လုပ်ဆောင်ချက် ဖြစ်တယ်။
* Clam Win – ဝင်းဒိုးအတွက် ပြုလုပ်ထားတဲ့ FOSS ဗိုင်းရပ်စ် ကာကွယ်ရေး ပရိုဂရမ်တခု ဖြစ်တယ်။
* Cobian Backup – Backup လုပ်ပေးတဲ့ FOSS ကိရိယာတခု ဖြစ်တယ်။ အခု နောက်ဆုံးထုတ် Cobian ဗားရှင်းဟာ ကုဒ်ပိတ်ထားတဲ့ အခမဲ့ ဆော့ဗ်ဝဲဖြစ်တယ်။ ဒါပေမဲ့ ပြီးခဲ့တဲ့ ဗားရှင်းတွေကတော့ FOSS ဗားရှင်းအနေနဲ့ ထုတ်ဝေခဲ့တယ်။
* Comodo Firewall – အခမဲ့ firewall ကိရိယာတခု ဖြစ်တယ်။
* Cookie – သီးခြား ကွန်ရက် စာမျက်နှာတခုခုရဲ့ အချက်အလက်ကို သိမ်းထားဖို့ (သို့) သင် ဘယ်သူ ဘယ်ဝါ ဖြစ်တယ် ဆိုတာ ခွဲခြားနိုင်ဖို့ သင့်ရဲ့ browser က ကွန်ပျူတာထဲမှာ သိမ်းဆည်းထားတဲ့ ဖိုင်ငယ်လေး တခု ဖြစ်တယ်။
* Digital signature – သီးခြားဖိုင် (သို့) သတင်းတို တခုခုကို ပေးပို့တဲ့သူ အစစ်အမှန် ဖြစ်ကြောင်း သက်သေပြတဲ့ စာဝှက်စနစ်သုံးတဲံ နည်းလမ်းတမျိုး ဖြစ်တယ်။
* Domain name – ကွန်ရက် စာမျက်နှာ (သို့) အင်တာနက် ဝန်ဆောင်မှု တခုခုကို စာနဲ့ ရေးသားရတဲ့ လိပ်စာ ဖြစ်တယ်။ ဥပမာ အားဖြင့် security.ngoinabox.org

* Encryption – စကားဝှက် တခု (သို့) စာဝှက်စနစ်သုံး သော့တခုခု ရှိထားတဲ့ ပုဂ္ဂိုလကသာ စာဝှက်ဖော်နိုင်၊ ဖတ်ရှုနိုင်အောင် ပါးနပ်တဲ့ သင်္ချာနည်းကို အသုံးပြုပြီး အချက်အလက်ကို စာဝှက်တဲ့နည်း (သို့) မွှေနှောက်တဲ့နည်း တမျိုး ဖြစ်တယ်။
* Enigmail – စာဝှက်ထားပြီး ဒစ်ဂျစ်တယ်နည်းနဲ့ လက်မှတ် ရေးထိုးထားတဲ့ အီးမေးလ်ကို ပေးပို့နိုင်၊ လက်ခံစေနိုင်တဲ့ Thunderbird အီးမေးလ် ပရိုဂရမ်ရဲ့ add-on တခု ဖြစ်တယ်။
* Eraser – သင့်ရဲ့ ကွန်ပျူတာထဲက (သို့) ဖြုတ်တပ်လို့ ရတဲ့ သိမ်းဆည်းရေး ကိရိယာထဲက သတင်း အချက်အလက်ကို လုံလုံခြုံခြုံ အမြဲတမ်း ပယ်ဖျက်ပေးတဲ့ ကိရိယာတခု ဖြစ်တယ်။
* Firefox – Microsoft Internet Explorer နဲ့ အပြိုင် ရေပမ်းစားနေတဲ့ FOSS Web browser တခု ဖြစ်တယ်။
* Firewall – ရုံးတွင်းမှာ ရှိတဲ့ ကွန်ရက်တွေနဲ့ အင်တာနက်ကတဆင့် စိတ်မချရတဲ့ ဆက်သွယ်မှုလိုင်းတွေ အကြားမှာ သင့်ကွန်ပျူတာကို အကာအကွယ် ပေးတဲ့ ကိရိယာတခု ဖြစ်တယ်။

* Free and Open Source Software (FOSS) – Free and Open Source Software (FOSS) – ဒီဆော့ဗ်ဝဲ အုပ်စုကို အခမဲ့ ရရှိနိုင်ပြီး တဦးတယောက်က အတားအဆီး မရှိပဲ စမ်းသပ်နိုင်၊ ဝေမျှနိုင် (သို့) ပြင်ဆင်နိုင်တဲ့ ဆော့ဗ်ဝဲ အမျိုးအစားဖြစ်တယ်။

* Freeware – အခမဲ့ ဆော့ဗ်ဝဲတွေထဲမှာ ပါဝင်ပေမဲ့ ၄င်းကို ဖန်တီးရေးဆွဲတဲ့ နေရာမှာ အသုံးပြုတဲ့ အရင်းအမြစ်ကုဒ်ကို တရားဝင် ကြည့်ရှုခွင့်မပေးတဲ့ (သို့) နည်းပညာဆိုင်ရာ အကန့်အသတ်တွေ ရှိတဲ့ ဆော့ဗ်ဝဲ အမျိုးအစား ဖြစ်တယ်။
* GNU/Linux – Microsoft Windows နဲ့အပြိုင် ထုတ်လုပ်ထားတဲ့ FOSS operating system တမျိုး ဖြစ်တယ်။
* Global Positioning System (GPS) – အာကာသမှာ အခြေစိုက်ပြီး တကမ္ဘာလုံးကို လှည့်ပတ် သွားလာနေတဲ့ ဂြိုဟ်တု စနစ် တခုဖြစ်ပြီး၊ ကမ္ဘာ့ ရာသီဥတုအပါအ၀င်၊ ကမ္ဘာတ၀ှမ်းမှာ ရှိတဲ့ အရာဝတ္ထု၊ ကမ္ဘာ့အပြင်ပက အဆီးအတားမဲ့ ကောင်းကင် မြင်ကွင်း အစရှိတဲ့ အရာတွေနဲ့ ပါတ်သက်တဲ့ တည်နေရာ၊ အချိန် သတင်း အချက်အလက်တွေကို ပံ့ပိုးပေးတယ်။
* Hacker – ဒီနေရာမှာ အထိခိုက်မခံတဲ့ အချက်အလက် (သို့) ကွန်ပျူတာကို အဝေးကနေ ထိန်းချုပ်ဖို့ ကြိုးစားနေတဲ့ အန္တရာယ်ရှိ ကွန်ပျူတာ ရာဇဝတ်သား တဦးတယောက်ကို ဆိုလိုတယ်။

* Internet Protocol address (IP address) ကွန်ပျူတာကို အင်တာနက်နဲ့ ချိတ်ဆက်တဲ့အခါ သတ်မှတ်ပေးရတဲ့ သီးခြား IP လိပ်စာတခု ဖြစ်တယ်။

* Internet Service Provider (ISP) – အင်တာနက် စတင် ချိတ်ဆက်ရာမှာ ၀န်ဆောင်မှုပေးတဲ့ ကုမ္ပဏီ (သို့) အဖွဲ့အစည်း ဖြစ်တယ်။ နိုင်ငံ အတော်များများမှာ ရှိတဲ့ အစိုးရတွေဟာ သူတို့ နိုင်ငံအတွင်းမှာ တည်ထောင် ထားတဲ့ ISP တွေကတဆင့် ပိတ်ဆို့ရေး၊ စောင့်ကြည့်ရေး ကိရိယာတွေကို အသုံးပြုပြီး အင်တာနက်ကို ထိန်းချုပ်ဖို့ ကြိုးပမ်းနေကြတယ်။

* Infrared Data Association (IrDA) – အနီအောက် ရောင်စဉ် အလင်းတန်းကို အသုံးပြုပြီး ဒေတာတွေကို အနီးကပ် လွှဲပြောင်းပေးနိုင်တဲ့ ရုပ်ပိုင်းဆိုင်ရာ ကြိုးမဲ့ ဆက်သွယ်မှုတခု ဖြစ်တယ်။ ခေတ်သစ် ကိရိယာတွေမှာ IrDA နေရာကို Bluetooth က အစားထိုး နေရာယူလာတယ်။
* Java Applications (Applets) – Operating Systems အတော်များများမှာ အသုံးပြုလုပ် ရတဲ့ ပရိုဂရမ်ငယ်လေးတွေ ဖြစ်တယ်။ သူတို့ကို ကွန်ရက် စာမျက်နှာတွေရဲ့ လုပ်ဆောင်ချက်တွေကို တိုးတက် ကောင်းမွန်စေဖို့ အသုံးပြုလေ့ ရှိကြတယ်။
* Keylogger – ကွန်ပျူတာ ကီးဘုတ်ပေါ်မှာ ရိုက်နှိပ်ခဲ့သမျှ ကီးတွေကို မှတ်သားပြီး အဲဒီ အချက်အလက်တွေကို တဖက်က လူဆီ ပေးပို့ပေးတဲ့ ထောက်လှမ်းရေး ဆော့ဗ်ဝဲ တမျိုး ဖြစ်တယ်။ Keylogger တွေကို အီးမေးလ်နဲ့ အခြား စကားဝှက်တွေ ခိုးယူရာမှာ အသုံးပြုလေ့ ရှိတယ်။
* KeePass – အခမဲ့ဖြစ်ပြီး လုံခြုံမှုရှိတဲ့ စကားဝှက် ဒေတာဘေ့စ် တခု ဖြစ်တယ်။/li>

* LiveCD – ကွန်ပျူတာထဲမှာ တခြား operating system ကို ယာယီ လည်ပတ်စေနိုင်တဲ့ CD တချပ် ဖြစ်တယ်။

* Malware – viruses, spyware, Trojans တွေနဲ့ တခြား အလားတူ အန္တရာယ်ရှိတဲ့ ဆော့ဗ်ဝဲ အားလုံးကို ခြုံငုံတဲ့ အထွေထွေ ဝေါ်ဟာရတရပ် ဖြစ်တယ်။
* Mnemonic device – ရှုပ်ထွေးတဲ့ စကားဝှက်တွေကို မှတ်မိနိုင်အောင် ကူညီပေးတဲ့ ရိုးရိုး လှည့်ကွက် တမျိုး ဖြစ်တယ်။
* NoScript – သိကျွမ်းမထားတဲ့ ကွန်ရက် စာမျက်နှာတွေပေါ်မှာ ကပ်ပါလာနိုင်တဲ့ အန္တရာယ်ရှိ ပရိုဂရမ်တွေရဲ့ ရန်ကနေ အကာအကွယ် ပေးနိုင်တဲ့ Firefox browser ရဲ့ လုံခြုံရေး add-on တခု ဖြစ်တယ်။
* Off the Record (OTR) – Pidgin လို့ ခေါ်တဲ့ လက်ငင်း စာတိုပေးပို့ရေး ပရိုဂရမ်အတွက် ထုတ်လုပ်ထားတဲ့ စာဝှက်စနစ် plugin တခု ဖြစ်တယ်။
* Peacefire – ဒီအခမဲ့ ဝန်ဆောင်မှုကို မှတ်ပုံတင်ထားတဲ့ လူတိုင်းက အင်တာနက် စီစစ်ဖြတ်တောက်မှုကို ကျော်လွှားရာမှာ အသုံးပြုတဲ့ ရှောင်တိမ်းရေး proxy တွေ ပါရှိတဲ့ နောက်ဆုံးထွက် ဝန်ဆောင်မှု စာရင်းတခုကို အီးမေးလ်နဲ့ လစဉ် အခမဲ့ ရရှိကြတယ်။
* Physical threat – ဒီနေရာမှာ၊ ကွန်ပျူတာ စက်ပစ္စည်းတွေကို တခြား သူတွေက ကိုယ်ထိလက်ရောက် ရယူမှု (သို့) ရုပ်ပိုင်းဆိုင်ရာ အန္တရာယ်တွေ ဖြစ်တဲ့ ကျိုးပဲ့ ပျက်စီးမှု၊ မတော်တဆမှုတွေ (သို့) သဘာဝ ဘေးအန္တရာယ်တွေကြောင့် အထိခိုက်မခံတဲ့ သတင်း အချက်အလက် အပေါ် ကျရောက်နိုင်တဲ့ အန္တရာယ် တခုခုကို ဆိုလိုပါတယ်။
* Pidgin – Off the Record (OTR) လို့ ခေါ်တဲ့ စာဝှက်စနစ်ပါ plugin တခုကို အသုံးပြုတဲ့ FOSS စာတိုပေးပို့ရေး ကိရိယာ တခု ဖြစ်တယ်။
* Proxy -အင်တာနက် စိစစ်ဖြတ်တောက်မှုကို ကျော်လွှားရာမှာ အသုံးပြုနိုင်ပြီး အင်တာနက် ဆက်သွယ်ရေး တချို့ (သို့) အားလုံးကို လမ်းဖွင့်ပေးတဲ့ ကြားခံ ဝန်ဆောင်မှု တခု ဖြစ်တယ်။ proxy တခုကို လူအများက အသုံးပြုနိုင်တယ်၊ (သို့) အဲဒါကို အသုံးပြုနိုင်ဖို့ သုံးစွဲသူအမည်နဲ့ စကားဝှက်တခု ရှိထားဖို့ လိုအပ်တယ်။ တချို့ proxy တွေသာ လုံခြုံမှု ရှိကြတယ်။ ဆိုလိုတာက proxy ကို ဖြတ်ပြီး သင့်ရဲ့ ကွန်ပျူတာနဲ့ အင်တာနက် ဝန်ဆောင်မှုတွေ အကြား ဆက်သွယ်ပေးတဲ့ သတင်း အချက်အလက်တွေရဲ့ လုံခြုံရေးကို အကာအကွယ် ပေးတဲ့ စာဝှက်စနစ်ကို အသုံးပြုကြတယ်။

* Proprietary software – အရင်းအမြစ် ဆော့ဗ်ဝဲ (FOSS) နဲ့ ဆန့်ကျင်ဖက် ဖြစ်တယ်။ ဒီလုပ်ငန်းသုံး ကိရိယာတွေကို အများအားဖြင့် အခကြေးငွေ ပေးပြီး ၀ယ်ယူရတယ်။ ဒါပေမဲ့ လိုင်စင် လိုအပ်ချက် ကန့်သတ်ချက်တွေနဲ့ အခမဲ့ ဆော့ဗ်ဝဲ အဖြစ်လည်း ရယူ အသုံးပြုနိုင်တယ်။
* RiseUp – Webmail ကတဆင့် ဖြစ်စေ (သို့) Mozilla Thunderbird လို အီးမေးလ် client တခုမှ ဖြစ်စေ လုံလုံခြုံခြုံ အသုံးပြုနိုင်အောင် တက်ကြွလှုပ်ရှားသူတွေက တည်ဆောက်ထားတဲ့ အီးမေးလ် ဝန်ဆောင်မှုတခု ဖြစ်တယ်။
* Router – ကွန်ရက် ချိတ်ဆက်မှု ကိရိယာ အစိတ်အပိုင်း တခု ဖြစ်ပြီး အဲဒီကတဆင့် ကွန်ပျူတာတွေက ရုံးတွင်း ကွန်ရက်တွေမှာ အချိတ်အဆက် လုပ်တာ၊ ရုံးတွင်း ကွန်ရက်အမျိုးမျိုးကနေ ပြင်ပ အင်တာနက် ချိတ်ဆက်တာတွေ လုပ်ဆောင်ပေးတယ်။ Switch တွေ၊ gateway တွေနဲ့ hubတွေဟာ အလားတူ လုပ်ငန်းတွေကို ဆောင်ရွက်ပေးပြီး၊ ကြိုးမဲ့ထုတ်လွှင့်ချက်တွေကို အသုံးပြုနိုင်အောင် စနှစ်တကျ တပ်ဆင်ထားတဲ့ ကွန်ပျူတာတွေက အလားတူ လုပ်ဆောင်ပေးတယ်။
* Secure password database – ပင်မ စကားဝှက် တခုထဲကိုပဲ အသုံးပြုပြီး စကားဝှက်တွေကို သိုလှောင် သိမ်းဆည်းပေးနိုင်တဲ့ ကိရိယာတခု ဖြစ်တယ်။

* Secure Sockets Layer (SSL) – ကွန်ပျူတာနဲ့ ကွန်ရက် စာမျက်နှာတချို့ အပါအဝင်၊ ကြည့်ရှုနေတဲ့ အင်တာနက် ဝန်ဆောင်မှုတွေ အကြားမှာ လုံခြုံမှု ရှိစေပြီး၊ စာဝှက်ထားပြီး လုံခြုံမှု ရှိတဲ့ ဆက်သွယ်မှုလိုင်း တခု အဖြစ် ထိန်းကျောင်းပေးတဲ့ နည်းပညာ ဖြစ်တယ်။ ကွန်ရက်စာမျက်နှာ တခုကို SSL ကတဆင့် ဆက်သွယ်တဲ့အခါ ကွန်ရက် လိပ်စာဟာ HTTP အစား HTTPS နဲ့ စတင်နေမှာ ဖြစ်တယ်။။
* Security certificate – ကွန်ရက် စာမျက်နှာတွေနဲ့ အခြား အင်တာနက် ဝန်ဆောင်မှုတွေကို လုံခြုံမှု ရှိစေဖို့ စာဝှက်စနစ်ကို အသုံးပြုပြီး ပုဂ္ဂိုလ် တဦးတယောက် ဆိုသူဟာ တကယ်ပဲ စစ်မှန်ကြောင်း သက်သေပြပေးတဲ့ နည်းစနစ် တမျိုး ဖြစ်တယ်။ လုံခြုံရေး လက်မှတ်တခုကို သင့်ရဲ့ browser က စစ်မှန်ကြောင်း အတည်ပြုပေးနိုင်ဖို့ စိတ်ချရတဲ့ အဖွဲ့အစည်း တခုခုဆီမှာ ဒစ်ဂျစ်တယ် လက်မှတ်တခု အတွက် ဝန်ဆောင်ခကို ပေးဆောင်ရမှာ ဖြစ်တယ်။ အဖိုးအခ ပေးဆောင်ရတဲ့အတွက် တချို့ စီမံခန့်ခွဲသူတွေက ငွေကြေးပေးဆောင်ဖို့ စိတ်မဝင်စားကြဘူး။ ဒါပေမဲ့ အခါအားလျော်စွာ စစ်မှန်တဲ့ ဝန်ဆောင်မှုတခုခုကို သွားရောက်ကြည့်ရှုတဲ့အခါမှာတောင် လုံခြုံရေး လက်မှတ် ချို့ယွင်းနေတာမျိုး တွေ့ရနိုင်တယ်။
* Security policy – သင့် အဖွဲ့အစည်းဟာ ခြိမ်းခြောက်မှု အမျိုးမျိုးကနေ ကိုယ့်ဟာကိုယ် ကာကွယ်နိုင်ဖို့ ရေးသားပြုစုထားတဲ့ စာရွက်စာတမ်းတခု ဖြစ်ပါတယ်၊ အဲဒီအထဲမှာ လုံခြုံရေး ဆိုင်ရာ အမှုကိစ္စတွေ ဖြစ်ပျက်လာတဲ့ အရေးယူ ဆောင်ရွက်နိုင်တဲ့ အချက်တွေ ပါရှိတဲ့ စာရင်းတခု ပါဝင်တယ်။
* Security cable – လုံခြုံရေးအရ သော့ခတ်နိုင်တဲ့ ကေဘယ်ကြိုးတခု ဖြစ်ပြီး ခရီးဆောင် ကွန်ပျူတာ (သို့) အခြား စက်ပစ္စည်း အစိတ်အပိုင်းတွေကို ပြင်ပ hard drive တွေ၊ အချို့ စားပွဲတင် ကွန်ပျူတာတွေနဲ့တကွ စက်ပစ္စည်းတွေကို ယူဆောင်သွားလို့ မရအောင် နံရံတခုခု (သို့) စားပွဲတခုခုမှာ လုံလုံခြုံခြုံ တွဲခတ်ထားနိုင်တယ်။
* Server – အမြဲတမ်း ဖွင့်ထားတဲ့ ကွန်ပျူတာ ဖြစ်ပြီး ကွန်ရက် စာမျက်နှာ တခုကို ထိန်းသိမ်းတာ (သို့) တခြား ကွန်ပျူတာတွေဆီ အီးမေးလ် ပေးပို့တာ (သို့) အီးမေးလ် လက်ခံတာ စတဲ့ ဝန်ဆောင်မှုတွေကို ပံ့ပိုးပေးဖို့ အင်တာနက်နဲ့ အမြဲ ချိတ်ဆက်ထားတယ်။
* SIM card – သေးငယ်ပြီး သီးခြား လက်ကိုင်ဖုန်း ကုမ္ပဏီက ပေးတဲ့ ဝန်ဆောင်မှုကို သုံးစွဲနိုင်ဖို့ လက်ကိုင်ဖုန်း တလုံးထဲမှာ ထည့်သွင်းအသုံးပြုနိုင်တဲ့ ဖြုတ်တပ်လို့ ရတဲ့ ကဒ်လေးတခု ဖြစ်တယ်။ SIM ကဒ်တွေဟာ ဖုန်းနံပါတ်တွေ၊ သတင်းတို ပေးပို့ချက်တွေကိုလည်း သိမ်းဆည်းထားနိုင်တယ်။
* Skype – အခမဲ့ Voice over IP (VoIP) ကိရိယာတခု ဖြစ်ပြီး တခြား Skype ကို အသုံးပြုတဲ့သူတွေနဲ့ အခမဲ့ စကားပြောနိုင်တယ်၊ တယ်လီဖုန်းတွေကိုလည်း အခကြေးငွေ ပေးပြီး စကားပြောဆိုနိုင်တယ်။ Skype ကို စီမံ ထိန်းသိမ်းတဲ့ ကုမ္ပဏီရဲ့ ကြော်ငြာချက်အရ တခြား Skype အသုံးပြုသူတွေရဲ့ စကားပြောဆိုချက်တွေကို စာဝှက် (encrypt) ထားပေးတယ်လို့ ဆိုပါတယ်။ ၄င်းဟာ ကုဒ်ပိတ်ထားတဲ့ ကိရိယာ တခု ဖြစ်တဲ့ အတွက် ဒီအဆို မှန် မမှန်ကိုတော့ သက်သေ မပြနိုင်ဘူး။ ဒါပေမဲ့ အများစုကတော့ ဒီအဆို မှန်ကန်နိုင်တယ်လို့ ဆိုကြတယ်။ Skype မှာလည်း စာတို ပေးပို့မှုကို ပံ့ပိုးထားတယ်။
* Source code – ကွန်ပျူတာ ပရိုဂရမ် ရေးဆွဲသူတွေက ရေးသားထားပြီး၊ ဆော့ဗ်ဝဲကို အလုပ်လုပ်စေတဲ့ ပင်မကုဒ် ဖြစ်တယ်။ သတ်မှတ်ထားတဲ့ ကိရိယာ တခုခုရဲ့ ပင်မ (source) ကုဒ်က ၄င်းရဲ့ အလုပ်လုပ်ပုံတွေနဲ့ လုံခြုံမှုရှိ မရှိ (သို့) အန္တရာယ်ရှိ မရှိ စတာတွေကို ဖော်ပြပေးတယ်။
* Spybot – ကွန်ပျူတာကို ထောက်လှမ်းနေတဲ့ ဆော့ဗ်ဝဲ spyware တွေကို စကင်ဖတ် စစ်ဆေးတာ၊ ဖယ်ရှားတာ၊ ကာကွယ်တာတွေ လုပ်ပေးတဲ့ အခမဲ့တဲ့ anti-malware ကိရိယာတခု ဖြစ်တယ်။
* Steganography – အထိခိုက်မခံတဲ့ သတင်း အချက်အလက်ကို မလိုအပ်ပဲ အာရုံစူးစိုက်မှု မခံရအောင် တခြား အယောင်ဆောင်ပြီး ပုံဖျက်ပေးတဲ့ နည်းတခုခုကို ဆိုလိုတယ်။
* Swap file – ကွန်ပျူတာထဲမှာ စွမ်းဆောင်ရည် တိုးမြှင့်ပေးဖို့ အခါအားလျော်စွာ သိမ်းဆည်းထားတဲ့၊ အရေးကြီးတဲ့ အချက်တွေလည်း ပါဝင်နိုင်တဲ့ ဖိုင်တခု ဖြစ်တယ်။
* Thunderbird – Enigmail စာဝှက်စနစ် ဖြည့်စွက် ဆော့ဗ်ဝဲ အပါအဝင် လုံခြုံရေး အင်္ဂါရပ်တွေ အတော်များများ ပါရှိတဲ့ FOSS အီးမေးလ် ပရိုဂရမ်တခု ဖြစ်တယ်။
* Tor – အင်တာနက် စီစစ်ဖြတ်တောက်မှုကို ပတ်ရှောင်နိုင်ပြီး ကြည့်ရှုနေတဲ့ ကွန်ရက် စာမျက်နှာတွေနဲ့ အင်တာနက် ဝန်ဆောင်မှုတွေကို အင်တာနက်လိုင်းကနေ သင့်ကို စောင့်ကြည့်နေနိုင်တဲ့ တစုံတယောက်ကို သင် ရှိနေတဲ့ နေရာနဲ့ ကြည့်ရှုတဲ့ ကွန်ရက် စာမျက်နှာတွေကိုပါ ပုံဖျက်ပြီး ဝှက်ထားပေးနိုင်တဲ့ ကိရိယာ တမျိုး ဖြစ်တယ်။
* TrueCrypt – အထိခိုက်မခံတဲ့ အချက်အလက်ကို လုံလုံခြုံခြုံ သိမ်းဆည်းပေးနိုင်တဲ့ FOSS ဖိုင် စာဝှက် ကိရိယာတခု ဖြစ်တယ်။
* Undelete Plus – အမှတ်တမဲ့ ပယ်ဖျက်လိုက်တဲ့ သတင်း အချက်အလက်ကို တခါတရံ ပြန်လည် ဆယ်ယူပေးနိုင်တဲ့ အခမဲ့ ကိရိယာတခု ဖြစ်တယ်။
* Uninterruptable Power Supply (UPS) – ဓါတ်အား ကုန်ခန်းတဲ့ အခြေအနေမျိုးမှာ အကြပ်အတည်း ဖြစ်နေတဲ့ ကွန်ပျူတာ စက်ပစ္စည်းကို ဆက်လက် လည်ပတ်စေဖို့ (သို့) စနစ်တကျ စက်ပိတ်နိုင်အောင် ဆောင်ရွက်ပေးတဲ့ ပစ္စည်းကိရယာ တခု ဖြစ်တယ်။

* VautletSuite 2 Go – အခမဲ့ စာဝှက်ပေးတဲ့ အီးမေးလ် ပရိုဂရမ်တခု ဖြစ်တယ်။
* Voice over IP (VoIP) – အင်တာနက်ကို အသုံးပြုပြီး အခြား VoIP သုံးစွဲသူတွေနဲ့ တယ်လီဖုန်းတွေကို အသံနဲ့ ဆက်သွယ် စကားပြောစေနိုင်တဲ့ နည်းပညာ ဖြစ်တယ်။
* Whitelist – တချို့ ကွန်ရက်စာမျက်နှာတွေကို အလိုအလျောက် ပိတ်ဆို့ထားတဲ့ အချိန်မှာ ကြည့်ရှုခွင့် ပြုပေးထားတဲ့ ကွန်ရက် စာမျက်နှာတွေ၊ အင်တာနက် ဝန်ဆောင်မှုပေးတဲ့ ဌာနတွေရဲ့ စာရင်းတခု ဖြစ်တယ်။
* Wiping – အချက်အလက်ကို လုံလုံခြုံခြုံနဲ့ အမြဲတမ်း ပယ်ဖျက်ပေးနိုင်တဲ့ လုပ်ဆောင်မှု ဖြစ်တယ်။
* Your-Freedom – သီးသန့် proxy တခု ကနေတဆင့် အင်တာနက် ချိတ်ဆက်ပြီး ပိတ်ပင် စစ်ထုတ်မှုကို ပတ်ရှောင်နိုင်တဲ့ အခမဲ့ ရှောင်တိမ်းရေး ကိရိယာ တခု ဖြစ်တယ်။ အကယ်လို့ Your-Freedom ကို ကောင်းကောင်း configure လုပ်ထားရင် သင့်ရဲ့ ဆက်သွယ်မှုကို လုံလုံခြုံခြုံ ရှိစေဖို့ အဲဒီ proxies တွေက ဆက်သွယ်မှုလိုင်းကို စာဝှက်ပေးမှာ ဖြစ်တယ်။

တောင်ပြုန်းပွဲအကြောင်း

တောင်ပြုန်းပွဲသည် မြန်မာနိုင်ငံ၏ ထင်ရှားစည်ကားသော နတ်ပွဲတစ်ပွဲဖြစ်သည်။ မန္တလေးခရိုင်၊ မတ္တရာ မြို့နယ် တောင်ပြုံးရွာတွင် တည်ရှိသည်။ တောင်ပြုန်းပွဲတော်ကို နှစ်စဉ် စည်ကားသိုက်မြိုက်စွာ ကျင်းပမြဲ အတိုင်း ဝါခေါင်လဆန်း ၁ဝ ရက် မှ ၁၅ ရက် (သြဂုတ်လ ၁၁ ရက်မှ ၁၆ ရက်)အထိ ကျင်းပမည် ဖြစ်ပါသည်။ ရိုးရာအစဉ်အလာအတိုင်း ကျင်းပမည့်ပွဲတော်အခမ်းအနားများ မှာ လဆန်း ၁ဝ ရက် ပွဲဦးကန်တော့ ပွဲတွင် ညနေ ၃ နာရီမှ စတင်ပြီး နန်းကြီးပေါ်တွင် နတ်အုပ်၊ အမတ်ချုပ်၊ သိုးဆောင်းမိဖုရားများ၊ ဗောင်း ဆောင်းအမတ်များ စုံလင်စွာဖြင့် ကန်တော့ကြသည်။ ထိုသို့ကန်တော့ခြင်းကို ညီလာခံကျင်းပခြင်း၊ အဆောင်ကိုင်တက်ခြင်း ဟုလည်းခေါ်ပါသည်။ ဝါခေါင်လဆန်း ၁၁ ရက် ချိုးရေတော်သုံးသည့် အခမ်းအနားကား မြန်မာတစ်နိုင်ငံလုံးမှ နတ်ကတော်ဟူသမျှနှင့် ရိုးရာသက်ဆိုင်သူများ၊ ကတိကဝတ်ရှိ၍ လာကြသူများ၊ အပျော်လာရောက်ကြသူများဖြင့် အစည်ကားဆုံး ဖြစ်ပါသည်။ ဝါခေါင်လဆန်း ၁၄ ရက်တွင် ယုန်ထိုးပွဲကျင်းပရာ အမရပူရမြို့နယ်မှ ရိုးရာအစဉ်အလာရှိသူများ က ယုန်ကင်အဖို၊ အမနှင့် ထန်းရည်ခါးကို ဆက်သသည်။ ဝါခေါင်လ ဆန်း ၁၅ ရက်တွင် ထိန်ခုတ်ပွဲကျင်းပရာ နတ်အုပ်က ဓားဖြင့်ပိုင်းလိုက်သော ထိန်ကိုင်းကို လာဘ်ရွှင်သည်ဟု ယုံကြည်သဖြင့် လူအများက အလုအယက်ဆောင်ကြသည်။

သမိုင်း

မင်းညီနောင် ၂ ဦး ဖြစ်သည့် ရွှေဖျဉ်းကြီး၊ ရွှေဖျဉ်းလေး ညီအစ်ကိုသည် ပန်းဆက်သမား ဗျတ္တ၊ ပန်းစားဘီလူးမ မယ်ဝဏ္ဏ တို့၏ သားများ ဖြစ်ကြသည်ဟု အဆိုရှိသည်။ ပုဂံခေတ် အနော်ရထာမင်းလက်ထက်၊ တရုတ်ပြည်မှ အပြန် တောင်ပြုန်းအရပ်တွင် စေတီတည်စဉ် ရွှေဖျင်းညီနောင်က လုပ်အားပေးရန် ပျက်ကွက်သဖြင့် ကွပ်မျက်ခံရသည်၊ အနော်ရထာဘုရင်က နတ်စိမ်းဖြစ်သွားသော ရွှေဖျဉ်းညီနောင်ကို တောင်ပြုန်းအရပ်အား အပိုင်စားစေသည်ဟု ဆိုသည်။ ထိုအချိန်မှစ၍ မင်းညီနောင်တို့ကို ပူဇော်သည့် ပွဲကို ပြုလုပ်ရာမှ တောင်ပြုန်းပွဲ ဖြစ်ပေါ်လာသည်ဟု သိရသည်။

စည်ကားမှု
ပွဲတော်ကာလတွင် စည်ကားလှသဖြင့် အနယ်နယ်အရပ်ရပ်မှ ဆိုင်ခန်းကြီး ငယ်ဖွင့်လှစ်ရောင်းချသူများသည် ဝါခေါင်လဆန်းစကတည်းက စုံလင်စွာရောက် ရှိကြပါပြီ။ မတ္တရာနယ်ရှိ အုန်း၊ ငှက်ပျောခြံရှင်များမှ တောင်ပြုန်းပွဲတော်တွင် တိုက်ရိုက်လာရောက် ရောင်းချသူများပြီး တစ်ဆင့် ဖောက်သည်ယူ ရောင်းသူများလည်း စုံလင်နေ၏။ အရောင်းရဆုံး ငှက်ပျောအမျိုး အစားမှာ ရိုးရာအရ ဖီးကြမ်းနှင့် ငှက်ပျောချဉ်များ ဖြစ်သည်။ တောင်ပြုန်းလက်ဆောင်အဖြစ် ထင်ရှားသော ကရေကရာ၊ စလူမုန့် စသော အညာမုန့်များကို စစ်ကိုင်းနယ်မှ လာရောက်ရောင်းချပြီး တောင်ပြုန်း ဆွဲကြိုး၊ လက်ကောက်များကို မြောက်ဥက္ကလာပမှ ထုတ်လုပ်ရောင်းချ ကြပါသည်။
ဝါခေါင်လဆန်း ၈ ရက် တွင် စတင်ကျင်းပမည့် တောင်ပြုန်းပွဲတော်ကို မြန်မာနိုင်ငံ အနယ်နယ် အရပ်ရပ်မှ ရိုးရာနတ် ယုံကြည်၊ ကိုးကွယ်သူ အများအပြား သွားရောက် ကြသည်။ လူပေါင်း သိန်းနှင့်ချီပြီး နှစ်စဉ်သွားရောက်ကြသည့် ထိုပွဲမှာ တောင်ပြုန်းရွာ ဆုတောင်းပြည့်၊ ဆုတောင်းရ ဘုရားပွဲ ဖြစ်သော်လည်း မင်းညီနောင်တို့ကို ပူဇော်သည့်ပွဲအဖြစ် ထင်ရှားသည်။
တောင်ပြုန်းပွဲသည် မြန်မာပြည် အနှံ့ ပွဲတော်များတွင် အထင်ရှားဆုံး ပွဲတော်ကြီး ဖြစ်သည့်အပြင် အနယ်နယ်အရပ်ရပ် နတ်ပွဲများထက်လည်း ကြီးကျယ် ထင်ရှားသည့် နတ်ပွဲတော်ကြီး ဖြစ်သည်။
မန္တလေးတိုင်း၊ မတ္တရာမြို့နယ် တောင်ပြုန်းကျေးရွာတွင် နှစ်စဉ်ကျင်းပသည့် ရိုးရာနတ်ပွဲကြီးသို့သွားရောက်ပြီး နတ်များကို ပူဇော်ပါက ဆုတောင်းပြည့်သည်ဟု ယုံကြည်ကြသည်။

ပွဲတော်တွင် ဆိုင်ခန်းကြီးငယ် ဖွင့်လှစ် ရောင်းချသူများသည်လည်း တပတ်ခန့် ကြိုတင် ရောက်ရှိနေတတ်ကြသည်။ စားဝတ်နေရေး ကြပ်တည်းမှုကြောင့်လည်း တောင်ပြုန်းပွဲတော်တွင် အပြောင်းအလဲတချို့ ဖြစ်ပေါ်နေသည်။ နတ်များကို ဝတ်လဲတော် ဆက်သသောအခါ ယခင်ကကဲ့သို့ နိုင်ငံခြားဖြစ် ဇာပဝါများ မဟုတ်တော့ဘဲ ဈေးသက်သာသည့် ပြည်တွင်းဖြစ် ပဝါများကိုသာ ဆက်သနေကြရသည်။ မှန်စီရွှေချထားသည့် ဓားများကို ဆက်သနိုင်သူ အရေအတွက်လည်း သိသိသာသာ နည်းပါးလာသည်ဟု သိရသည်။

တောင်ပြုန်းပွဲသည် ရွှေဖျဉ်းကြီး၊ ရွှေဖျဉ်းလေး အရှင်၂ပါး မစ၍ စီးပွား လာဘ်လာဘ တက်သည်ဟု ယုံကြည်သူများ၊ အခက်အခဲများ အဆင်ပြေစေရန် သွားရောက် ကိုးကွယ်သူများ၊ အပျော်သဘော သွားရောက်သူများဖြင့် ကြက်ပျံမကျ စည်ကားလေ့ရှိသည်။ နှစ်စဉ် တောင်ပြုန်းပွဲတော် အစီအစဉ်ကို ဝါခေါင်လဆန်း ၈ ရက်နေ့တွင် ပထမနေ့ “ကန်တော့ခံပွဲတော်” ဖြင့် အစပြုပြီး၊ ကန်တော့ခံပွဲတော်၊ ည ညီလာခံ၊ ချိုးရေတော်သုံး၊ နန်းတက်ပွဲများ၊ ယုန်ထိုး၊ ထိန်ခုတ်၊ ရွှေဘုံဆင်း စသည့် ပွဲတော်များကို ၁၅ ရက်နေ့အထိ တရက်စီ ကျင်းပပြုလုပ်လေ့ ရှိသည်။

လဆန်း ၁၄ ရက်နေ့တွင် ပြုလုပ်သည့် ထိန်ခုတ်ပွဲတွင် နတ်အုပ်ဖြစ်သူက ဓားဖြင့် ပိုင်းလိုက်သော ထိန်ကိုင်းကို လူအများက အလုအယက် သိမ်းဆည်းကြသည်။ ထိန်ကိုင်းကို ဆောင်ထားခြင်းအားဖြင့် လာဘ်ရွှင်သည်ဟု အယူရှိကြသည်။

တောင်ပြုန်းကျေးရွာ အနီးရှိ လွန်တောင်း၊ ၀ါးရင်းတုတ် စသည့် ကျေးရွာများမှ ရွာသူရွာသားများသည် ပွဲတော်သို့ မဖြစ်မနေလာရောက် ကြရပြီး အောက်ခြေသိမ်း အလုပ်များကို လုပ်ကိုင်ကြရသည်။

ပွဲတော်တွင် နတ်နန်းငယ်များ၊ မြန်မာမုန့်ပဲသွားရည်စာများ ဖြစ်သည့် ကရေကရာ၊ စလူမုန့်၊ အနုဆုပ် ရောင်းသောဆိုင်များ၊ ပန်းဆိုင်များ၊ စားသောက်ကုန်၊ အုန်းသီး၊ ငှက်ပျောသီးနှင့် ဗေဒင်ဟောခန်း စသည့် ဆိုင်ခန်းများနှင့် စည်ကားလှသည်။