ချိုးရေတော်သုံး
ဝါခေါင်လဆန်း ၁၁ ရက်
‘တစ်မြို့စီခြားပေမယ့် ငယ်ကချစ်သူ သူ့ကိုသာလေ ကျန်းမာတော်မူပါစ… လေလှိုင်းကြားက ခွန့်ဆင့်ပါရဲ့ဆွေ ချစ်သူမောင်ရေ… ချစ်သူမောင်ရေ… ငယ်စဉ်ခါတုန်းကလေ တောရွာတောဓလေ့တို့တွေမှာလေ ခုများတော့ မေ့အား… မေ့ထားနိုင်ရက်ပေ… မောင့်ကိုချစ်တာ တစ်ခုပဲသိတယ်လေ မေတ္တာအသင်္ချေ… ဝေးတစ်မြေ ခြားသူ မောင်ရေ’
အုတ်ကျက်ဆူညံလှတဲ့ ချိုးရေတော်သုံးနေ့ရဲ့ အသံမျိုးစုံကြားကနေ ပေါ်တစ်လှည့် ပျောက်တစ်လှည့် ထွက်ပေါ်နေတဲ့ သီချင်းသံကလေးဟာ ချွဲနွဲ့ဆွေးမြည့်လို့ နေတယ်။
ကနားတဲတန်းရှည်တွေ ကြားကနေ တရွေ့ရွေ့သွားနေတဲ့ ချွဲနွဲ့သံလေးကို ကြားတဲ့သူတိုင်း နားမထောင်ဘဲ မနေနိုင်ပါဘူး။
‘ပိတောက်ပန်းတွေ… ပင်ယံနန်းမလေ… လျှမ်းတင့်လိုနေ… ငယ်ချစ်ဆွေရေ…’
ချွဲနွဲ့သံလေးခမျာ တရုန်းရုန်းစည်ကားဆူညံနေတဲ့ ဒေစီဂျိန်းရဲ့ အိမ်တံခါးဝအရောက်မှာ မှိန်ဖျော့သွားခဲ့ရှာတယ်။
ဒေစီဂျိန်းရဲ့ ညနေပိုင်း တက်ပွဲအတွက် ရောက်လာကြတဲ့ ဆွေမျိုးအုပ်စုနဲ့ ခြံဝင်းထဲမှာ ပြည့်နေခဲ့တယ်။ ဒေစီဂျိန်းရဲ့ နတ်မိတ်ဆွေတွေကလည်း အိမ်ပေါ် အိမ်အောက်မှာအပြည့်။ ထမင်းကျွေးရတဲ့ သူတွေကလည်း ခုချိန်ထိ မစဲသေးဘူး။
ညနေတက်ပွဲအတွက် စပြီး ပြင်ဆင်နေတဲ့ ဒေစီဂျိန်းရဲ့ဘေးမှာလည်း ဒေစီဂျိန်းပရိတ်သတ်က ဝိုင်းအုံးထားကြတယ်။
အိမ်အောက်ထပ်က ကွပ်ပျစ်ရှည်ကြီးပေါ်မှာ ဒေစီဂျိန်းရဲ့ မိတ်ကပ်သေတ္တာအနီထဲက တန်ဖိုးကြီး မိတ်ကပ်ပစ္စည်းတွေ ပြန့်ကျဲလို့နေတယ်။ မိတ်ကပ်လိမ်းပြီးစ နီရဲနုရွနေတဲ့ ဒေစီဂျိန်းရဲ့ မျက်နှာမော့မော့မှာ ဆွေမျိုးမိန်းကလေးတစ်ယောက်က မျက်တောင်တု တပ်ပေးနေတယ်။
‘ဟဲ့… မနက်က ချိုးရေတော်သုံးတာ မြင်ခဲ့ရရဲ့လား။ လူတွေက အများကြီး၊ အတင်းတိုးရတာ။ ခါးပိုက်နှိုက်ခံရသေးလား’
မျက်နှာမော့ထားရင်းက ဒေစီဂျိန်း ထုံးစံအတိုင်း ပြောချင်ရာတွေက ပြောရသေးတယ်။
‘ဟာ… ဘာကိုမှ ကောင်းကောင်းမမြင်ရပါဘူး။ တဲနန်း ဘေးပတ်ပတ်လည် လူတွေက အုံထားလိုက်တာ နည်းတာ မဟုတ်ဘူး’
‘အေး… ပြောတယ်မဟုတ်လား။ ဒါကြောင့် ချိုးရေတော် သုံးတဲ့နေဟာ ပွဲတော်မှာ အစည်ဆုံးနေ့လို့။ ဟဲ့… ကောင်မ၊ ဒီဘက်မျက်တောင်က မညီသေးဘူး။ ပြန်လုပ်ဦး၊ နာနာကပ်နော်။ ပြုတ်ကျလို့ အရှက်ကွဲနေဦးမယ်’
ဒေစီဂျိန်းက သူ့မျက်တောင် အနေအထားကို မှန်ထဲမှာ သေချာပြန်ညှိတယ်။
‘ဟဲ့… အရင်တုန်းကဆို ပိုတောင်ဆိုးသေးတယ်။ ဟိုတုန်းက ဒီလိုတဲနန်းထဲမှာ ချိုးရေတော်သုံးတာမှ မဟုတ်ဘဲ။ မြစ်ထဲထိ ဖောင်နဲ့ဆင်းပြီး ချိုးရေတော်သုံးတာ။ မင်းနှစ်ပါးကို နန်းကြီးကနေ ဝေါတော်နဲ့ပင့်ပြီး ဖောင်တော်ဆင်းရတာ။ အို… အဲဒီထွက်တဲ့အချိန်ဆို ဆိုးလိုက်တာမှ လမ်းဘေးဝဲယာက လူတွေက မင်းနှစ်ပါးကို ကန်တော့ကြရင်း ဝေါတော်ကို လက်နဲ့ထိကြတာ၊ ပန်းတွေဆက်ကြတာ၊ ပိုက်ဆံတွေ ဆက်ကြတာ၊ ဝေါက ရှေ့တိုးလို့ကို မရတော့ဘူး။ တစ်ခါတည်း ဝေါထမ်းတွေက ကြိမ်ကိုင်ပြီးတော့ကို လမ်းရှင်းရတာ။ အမယ်လေး… အဲဒီအချိန် ဝေါထမ်းကြီးတွေက ကြောက်စရာကြီးတွေ။ သူတို့က အဲဒီအချိန်မှာ ရှေ့က လမ်းပတ်တဲ့သူ မှန်သမျှကို ရိုက်ပြီးရှင်းရှင်း၊ သတ်ပြီးရှင်းရှင်း ဘာအပြစ်မှ မရှိဘူး။ ဝေါပေါ်မှာလည်း မင်းနှစ်ပါးပုံတော်တွေကို ဖက်ပြီး လိုက်ရတာ။ လူတွေက အဲလောက်ဆိုးတာ။ ဒါပေမယ့် မြစ်ထဲကျတော့လည်း ကိုယ်တော်တို့ ချိုးရေတော်သုံးတာ သိပ်လွမ်းစရာကောင်းတာ။ ခုလို ရေထတဲ့အချိန် သိပ်ပျော်စရာ ကောင်းတာပေါ့။ ရေထတော့ ကျေးဇူးရှင်များ ဖောင်ဆင်းတဲ့အခါကျတော့ ရေဆိပ်တင် ဖောင်ဆိုက်၊ ဖောင်ကို ထိုးတင်ပြီးတော့ အကုန်လှေနဲ့လိုက်ရတာ။ ရေမထတဲ့အခါကျတော့လည်း ဆိုးပေါ့။ ဗွက်ထဲဆင်းရသေးတာ၊ ရေရတဲ့ထိ။ ဆင်းပြီးတော့ ဖောင်ဆိုက်ထားတဲ့ဆီရောက်၊ အဲဒီဖောင်နဲ့ နတ်သစ်ပင်ထိ ထွက်ရတယ်။ အဲဒီတော့မှ အဲဒီနားတစ်ဝိုက် ကျွန်းထဲက ရွာတွေက ရေလဲပိုင်းတို့၊ မျက်နှာသုတ်ပဝါတို့၊ ရေတော်လဲပုဆိုးတို့ကို လှေနဲ့ထွက်ပြီး ဆက်ရတာ။ အဲဒီလူတွေက ရိုးရာသမားတွေ၊ ရေလဲတော်ဆက်တဲ့ ရိုးရာတဲ့။ ခု မြစ်ထဲမဆင်းတော့လည်း ဒီနန်းပေါ်ကို မနေ့ညကတည်းက လာပို့ထားရတာ၊ အများကြီးရှိတယ်။ ရိုးရာသမားတွေ၊ ဖောင်တုပ်တို့၊ အနှီးပို့တို့၊ ဖောင်ဆွဲတို့ အဲဒါတွေက နှစ်စဉ်လာရတာ။ ဘယ်အရပ် ရောက်နေနေ ရိုးရာမပျက်ရဘူး။ လာရတာ။ ဟဲ့… မှတ်ထား၊ ကိုယ့်ရိုးရာကို မမေ့စေနဲ့၊ ဂရုစိုက်ကြားလား။ အေး… ကိုယ့်လင်ကိုလည်း မမေ့စေနဲ့ ဒါပဲ’
ဒေစီဂျိန်း ထုံးစံအတိုင်း အကောင်းပြောနေရာက ဖောက်သွားပြီ။
လင်ကြောင်း သားကြောင်း ရောက်သွားပြီ။ ဘေးက မိန်းမအုပ်စုနဲ့ လင်ကြောင်း သားကြောင်းပြောပြီး တဟားဟားလုပ်တော့မယ်။
‘… တို့ငယ်ငယ်တုန်းကလေ… ပိတောက်တွေ ပွင့်ရင်လေ… လွမ်းသလို… ဆွေးသလိုပါမောင်ရေ…’
ဆွေးမြေ့နေတဲ့ အသံကလေးက ဒေစီဂျိန်းရဲ့ အိမ်ခြံဝင်းထဲကို သနားစဖွယ် ဝင်ရောက်လာခဲ့တယ်။
အသံလေးရဲ့ ဆွဲဆောင်မှုကြောင့် ဒေစီဂျိန်းရဲ့ ခြံဝင်းတံခါး ပွင့်သွားတယ်။ လာပါဦး၊ ဒီကိုလာပါဦးဆိုတဲ့အသံ…
‘ဂျိန်း… အဲဒါဘာလဲ’
ဆွေမျိုးမိန်းမတစ်ယောက်ရဲ့ မအူမလည် အမေးကို မျက်ခွံပေါ် အပြာတင်နေတဲ့ ဂျိန်းက ဖြေတယ်။
ဒေစီဂျိန်းရဲ့ တံခါးဝမှာတော့ သီချင်းအဖွဲ့လေးက တုတ်တုတ်လေး ထိုင်လို့နေကြပြီ။
အသားမည်းမည်းလုံးလုံး၊ ဆယ့်လေးဆယ့်ငါးရွယ်၊ ဝတုတ်တုတ်မိန်းကလေးက သူ့ရှေ့မှာ စဥ့်အိုးလေး အဝကို အဝတ်နဲ့ သားရေကျပ်ထားတဲ့ စဥ့်အိုးဗုံကလေးကို ချလို့။
အဲဒီကလေးရဲ့ ဘေးမှာတော့ ချွဲနွဲ့ဆွေးမြည့်တဲ့အသံ ပိုင်ရှင်လေးက လက်နှစ်ဖက်မှာ စည်းဝါးကလေးကို ကိုင်လို့။ ကိုယ်လုံး သေးသွယ်သွယ်လေးကိုပဲ ကြည့်ပြီး ခန့်မှန်းရတဲ့ ဆယ့်ခြောက်၊ ဆယ့်ခုနစ်နှစ်အရွယ် မိန်းမငယ်လေးက ငုံ့ထားတဲ့ သူ့မျက်နှာကို ခေါင်းပေါ်က နေပြီး တစ်ဘက်တစ်ထည်နဲ့ ဖုံးအုပ်ထားခဲ့တယ်။
‘ဆံခြည်စေ့မျှ… မေ့မရလေဘူး… အချစ်ဦး… နေ့နေ့ညညပြောင်း… မိုးဆောင်းနွေဦး… ခြေဦးတည့်ရာလိုက်လို့သာ… ရှာခဲ့တယ် မောင်ရေ…’
ချွဲနွဲ့တဲ့အသံကလေးနဲ့ စည်းဝါးခတ်သံ စလိုက်တာနဲ့ စဥ့်အိုးဗုံလေးရဲ့ အလိုက်သင့် တီးသံလေး ပေါ်လာတယ်။ တယောသံမျှင်မျှင်လေး နွဲ့နေသလို ဆိုတတ်တဲ့ မိန်းမငယ်လေးက ကျုံ့ကျုံ့လေး ငုတ်တုတ်ထိုင်ရင်း စည်းနဲ့ဝါးကို ငုံ့ထားတဲ့ ခေါင်းပေါ်မှာ တင်ထားတယ်။
‘ရာသိရွေ့ရွေ့ လွမ်းတမြေ့မြေ့… မေ့ရင်မှာပူလောင် မောင်… မောင့်အချစ်မြားစူး… မောင့်အချစ်မြားစူး… ရူးရပြီကောလေ…’
ဆွေးမြည့်နာကျင်နေတဲ့ အသံလေးဟာ ခြံဝင်းထဲက လူတွေအားလုံးကို တုန်လှုပ်စေတယ်။ အံ့သြစေတယ်။ ငြိမ်သက်လို့လည်း သွားစေတယ်။
‘ကန္တရ… ခရီးလမ်း… ကြမ်းတမ်းပါစေ… မောင်ရေ မောင်ရေ… ချစ်သူရဲ့… အချစ်သိညာဉ်ကလေး… နားခိုရာနေရာ… ဟင်း… သို့မဟုတ် ချစ်သူနားခိုရာနေရာ…’
တယောသံမျှင်မျှင်လေးကို အသံနွဲ့ကလေးဟာ ကြားရတဲ့သူတိုင်းကို ဖမ်းစားနိုင်ပါတယ်။
ဂျိန်းပန်ဖို့ သစ်ခွခရမ်းလေးကို ယုယပြင်ဆင်ရင်း ရေချိုးခန်းဝမှာငြိမ်ရပ်နေမိရာက ထိတ်ခနဲ မင်းမင်း လန့်သွားတယ်။
အိမ်အောက်ကနေ မိတ်ကပ်မျက်နှာ၊ ပုဆိုးထဘီ ဖိုသီဖတ်သီနဲ့ ဒေစီဂျိန်းတစ်ယောက် ထွက်လာပါပကောလား။ သူ့ထုံးစံအတိုင်း အော်ချင်ရာအော်လိုက်လို့ကတော့ ပွဲပျက်ရချည့်ရဲ့။
ဘောက်ဆက် ဘောက်ဆက်နဲ့ လျှောက်သွားတဲ့ ဂျိန်း နောက်ကို မင်းမင်းက မြန်မြန်လိုက်တယ်။
‘မောင့်ကို ရှာမလေ… မောင့်ကိုရှာ… မလေ… သြော်… မောင့်အချစ်မြားစူး… ရူးရပြီကောလေ’
စည်းဝါးသံလေး ရပ်သွားပြီး ချွဲနွဲ့နွဲ့အသံလေး ပျောက်သွားတယ်။ မြေကြီးပေါ်ချထားတဲ့ ချိုင့်လေးထဲမှာ ငါးကျပ်တန်၊ ဆယ်တန်တွေ တဖွေးဖွေးကျလာတယ်။
ဟဲ… ကောင်မလေးက အသံကောင်းသားပဲ။ ရုပ်ကော ချောရဲ့လား။ ပြစမ်း… မျက်နှာကြည့်ရအောင်’
‘ဒေစီဂျိန်း’
မင်းမင်း ဘယ်လိုမှ မတားလိုက်နိုင်ခင်မှာပဲ ဒေစီဂျိန်းက မိန်းမငယ်လေးရဲ့ ခေါင်း အုပ်ဖုံးအုပ်ထားတဲ့ တဘက်ကို ဆွဲလှန်ပစ်လိုက်တယ်။
ဒီခဏဟာ မင်းမင်းအတွက် ဘယ်တော့မှ မေ့ပျောက်လို့ မရမယ့် ခဏဖြစ်သလို အပြစ်ကင်းစင်တဲ့ မျက်နှာပိုင်ရှင်မလေးအတွက်လည်း မေ့ပျောက်လို့မရမယ့် ခဏဖြစ်မယ်ဆိုတာ ဘယ်သူမှ မသိခဲ့ကြပါဘူး။
မျက်နှာလေးက ချောမောအပြစ်ကင်းလွန်းတယ်။
မျက်ခုံးနက်နက်ကလေး နှစ်ခုကြားမှာ မှဲ့နက်ကလေးက ထင်းထင်းကလေး။
မျက်ရည်ဝိုင်းနေတဲ့ မျက်လုံးလေးတစ်စုံက သနားစရာကလေး။
‘ဟဲ့… ရုပ်ကလေးချောသားနဲ့ တဘက်ကြီးကို မဖုံးစမ်းပါနဲ့ဦး၊ နင့်နာမည် ဘယ်သူလဲ ပြောဦး’
‘ပန်းညို’
‘ဟင်… နင့်နာမည်ကလည်း ပန်တော်ပန်းနာမည်ကြီး။ ဘာလို့လဲ၊ ဒီပွဲလာရင်း မွေးလို့လား’
‘မဟုတ်ပါဘူး’
‘ပန်းညို’ လို့ တိတ်တိတ်ကလေး ခေါ်ကြည့်နေတဲ့ မင်းမင်းရင်ထဲကို ဒေစီဂျိန်းရဲ့အသံက ဖျက်လိုဖျက်ဆီး ဝင်လာတယ်။ ဘာတွေလျှောက်ပြောနေမှန်းလည်း မသိဘူး။ ကောင်မလေး ကြောက်နေပြီ၊ အသံလေးတွေ တုန်လို့။
‘ဟဲ့… နင် ဒီလိုပိုက်ဆံမတောင်းဘဲ အဆိုတော်တွေ ဘာတွေ လုပ်မလား၊ အငြိမ့်ထဲမှာလေ။ ဒီမှာ လာစမ်းပါဦး ဇာတ်ဆရာကြီးရဲ့၊ ဒီကောင်မလေး မဖြစ်နိုင်ဘူးလား။ ဖြစ်နိုင်ရင် ခေါ်သွားပါလား။ အဆိုတော် လုပ်ခိုင်း၊ မင်းသမီးလည်း ကခိုင်းပေါ့။ ကျုပ် ထိုင်မသိမ်းတစ်စုံ ပေးမယ်။ ဘယ့်နှယ့်လဲ’
ဒေစီဂျိန်းမိတ်ဆွေ ဇာတ်ဆရာက ပြုံးနေတယ်။ ဒေစီဂျိန်းကို ကြောက်ရှာတဲ့ ပန်းညိုလေးကတော့ ဒေစီဂျိန်း ခြံဝင်းထဲက ထွက်ဖို့ပြင်တယ်။
‘ဟာ… နေပါဦး၊ ဆိုပါဦး ကလေးမရဲ့’
ခြံဝင်းထဲက ပရိတ်သတ် တောင်းဆိုသံကြောင့် ပန်းညိုကလေး ပြန်ထိုင်တုန်းမှာပဲ မင်းမင်းအသံက အလျင်စလို ပေါ်လာတယ်။
‘သူတို့ ထမင်းစားပြီးပလား မသိဘူး။ မစားရသေးဘူးနဲ့ တူတယ်။ ဟင်… ဒီမှာ စားလိုက်ပါလား။ စားပြီးမှ ဆိုပေါ့’
မင်းမင်းဆီကို အကြည့်လေးတစ်ခု ဖျတ်ခနဲ ရောက်လာပြီး ပျောက်သွားတယ်။ ပြီးမှ အသံတိုးတိုးလေး ထွက်လာတယ်။
‘ဟိုကျမှပဲ စားတော့မယ်။ ပန်းညိုတို့ကို အဘွားက ဇရပ်က စောင့်နေမှာ’
‘ဟာ… နှစ်ချက်တောင် ထိုးတော့မယ်’
‘ရပါတယ်’
‘ဟဲ့… သူတို့ကို ဟင်းထည့်ပေးလိုက် မင်းမင်း’
ဒေစီဂျိန်းက လှမ်းအော်ပြန်တယ်။ ထည့်ပေးမှာပေါ့။ ကောင်မလေးအတွက် ဟင်းတွေ အများကြီး ထည့်ပေးရမှာပေါ့။ အများစားတဲ့ ပဲကုလားဟင်းအပြင် ကြက်သားကြော်လည်း ထည့်ပေးလိုက်တယ်။ ပြီးတော့ ဒေစီဂျိန်းအတွက် သီးသန့်ချက်ထားတဲ့ ပြည်ပန်းညိုဟင်းချိုလည်း ထည့်ပေးရမယ်။ ပြည်ပန်းညို ဟင်းချိုဟာ အသံသမားတွေ ကောင်းတယ် ဆိုတာလည်း ကောင်းမလေး သိမှာမဟုတ်ပါဘူး။ ဟိုက ဒီကပေးတဲ့ ဟင်းတွေနဲ့ပဲ စားရတာကိုး။ ဘုရားပေးတဲ့ အသံလေးကိုတော့ ဂရုစိုက်သင့်တယ် ပန်းညိုရဲ့။
‘တကယ်တော့ ကျောက်တူးသမားများဟာ… လောပန်လောင်းတွေပါ… တစ်နေ့နေ့… တစ်ချိန်ချိန် သိန်းကျောက်ရရင်… လောပန်ဖြစ်ပြီပေါ့’
မီးဖိုထဲမှာ ဟင်းထည့်ရင်း မင်းမင်း လေလိုက်ချွန်တယ်။ ကြည့်စမ်း… ကောင်မလေးက ဒီသီချင်းမျိုးလည်း ပိုင်ပိုင်နိုင်နိုင် ဆိုတတ်တယ်။ ချွဲနွဲ့နွဲ့အသံလေးကနေ ချိုရွှင်ရွှင်အသံလေးကို ပြောင်းပြီးတော့ ဆိုတယ်။ ကဝေမလေးပဲ။ လူတွေကို ပြုစားနိုင်တဲ့ ကဝေမလေးပဲ။
‘အကြံကုန်ရင်… သံထိုင်ရောင်း… ဆန်ကုန်တော့… လောပန်ပြောင်းတဲ့… ဖိုးသမား ဘဝကတော့… ကျွန်တော်လည်း အဖြစ်မခံပါ… ဟိုကျင်းမရရင် ဒီကျင်း… ကျင်းပေါင်းတစ်ထောင် ကုန်အောင်တူးမယ်… ကျောက်တူးသမားပါကွာ…’
ပိုက်ဆံထည့်တဲ့ ချိုင့်ထဲကို ငါးကျပ်တန်၊ ဆယ်တန်တွေ ကျလာပြန်တယ်။ လေးဆယ့်ငါ့ကျပ်တန် နှစ်ရွက်ကို ထပ်ခေါက်ပြီး ချိုင့်ထဲကို ဖျတ်ဆို မင်းမင်း ပစ်ထည့်လိုက်တယ်။ ဒေစီဂျိန်းမြင်သွားလို့ကတော့ ဘယ်လွယ်လိမ့်မလဲ။ သူ ကြော်လှော်ထားတဲ့ ပိုက်ဆံကို ဒီလို ပက်ခနဲ သုံးရသလားဆိုပြီး ပုဆိုးထဘီကို အလံစိုက်လိုက်ပါလိမ့်မယ်။
‘ရော့… ညီလေး၊ ဒီမှာ ထမင်းနဲ့ဟင်း၊ ကောင်းကောင်း ကိုင်နော်၊ အရည်တွေ ဖိတ်ကုန်မယ် သိလား’
ကောင်းလေးက မင်းမင်းပေးတဲ့ ထမင်းဟင်း ကြွပ်ကြွပ်အိတ်တွေကို စုကိုင်ပြီး ပန်းညိုတို့ သုံးယောက် ခြံဝင်းအပြင်ဘက်ကို ထွက်ကြတယ်။ ခြံဝင်းတံခါးကို လိုက်ပိတ်ရင်း မင်းမင်းက တိုးတိုးကပ်ပြောလိုက်တယ်။
‘ပန်းညိုအတွက် ပြည်ပန်းညိုဟင်းချို ထည့်ပေးလိုက်တယ်။ အသံမဝင်ဘူး သိလား’
တဘက် ဖုံးအုပ်ထားတဲ့ ခေါင်းကလေးက ညိတ်လိုက်တာလား၊ ငုံ့လိုက်တာလား မသိ။ ခေါင်းကလေး လှုပ်ရှားသွားတာကိုတော့ မင်းမင်း မြင်ရတယ်။ ကဝေမလေးက နောက်ကိုတော့ လှည့်မကြည့်ခဲ့ပါဘူး။
‘မင်းမင်း၊ အို… မင်းမင်း’
ကြည့်ပါလား၊ အော်ပြီ။ အဘွားကြီး မကြီးနဲ့တော့ မလွယ်ဘူး။ ခဏကလေးတောင် အလစ်မပေးဘူး။
‘ဘာလဲ… ဘာလဲ’
အိမ်အောက်ထဲ မင်းမင်း ဝင်လိုက်တယ်။ ဒေစီဂျိန်းက နှုတ်ခမ်းဆိုးနေရာက နှုတ်ခမ်းနီဘူးကို ပိတ်လိုက်တယ်။
‘ဟဲ့… ဘာလဲရမှာလဲ။ ငါဝတ်မယ့်ဟာတွေ ယူခဲ့လေ။ လက်ဝတ်လက်စားတွေပါ ထုတ်ခဲ့၊ ပန်းရော ဘယ်မလဲ၊ ခေါင်းပေါင်းမယ့် ပဝါရော’
‘ရှိတယ်၊ အကုန်အဆင်သင့်။ ခင်ဗျားအချိန်ကဖြင့် အစောကြီးရှိသေးတယ်’
‘ခု ဘယ်အချိန်ရှိပြီလဲ။ ကဲ… ကြည့်ပါဦး နာရီ’
‘သုံးနာရီ ထိုးတော့မယ်’
‘အေး… အဲဒါ စောသလား ပြောပါဦး။ လေးနာရီ မထိုးခင် နန်းအောက် ရောက်နေရမယ့်ဟာကို။ အံ့သြပါရဲ့။ သွား… အားလုံးအောက်ချခဲ့’
မင်းမင်း အိမ်အောက်က လှည့်ထွက်တာနဲ့ မိန်းမတွေ ရယ်သံကြားရတယ်။ မင်းမင်း သိသားပဲ။ ဒေစီဂျိန်း မဲ့ရွဲ့ပြီး အမူအရာလုပ်ပြနေပြီလေ။ ရှေ့မှာ မပြောရဲလို့ နောက်ကွယ်ကနေ မဲ့ရွဲ့နေတဲ့ မိန်းမအမူအရာမျိုးကို ဒေစီဂျိန်းက အလွန်လုပ်ချင်တယ်။ မိန်းမ အစစ်တွေထက် သာအောင်ကို လုပ်ပြပါလိမ့်မယ်။
ပိုးပုဆိုး ခရမ်းရောင်၊ ပိုးအင်္ကျီ နို့နှစ်ရောင်၊ ခေါင်းပေါင်းပဝါ၊ ခရမ်းနဲ့ သစ်ခွခရမ်း၊ ခြေအိတ်အဖြူ၊ ရွှေချည်ထိုး ခြေနင်းဖိနပ် အားလုံးကို ဒေစီဂျိန်းဘေးမှာ စုပုံချလိုက်တော့ မင်းမင်းကို ဒေစီဂျိန်းက ကျေနပ်တဲ့ မျက်စောင်းထိုးပြန်တယ်။
လက်ဝတ်လက်စားဘူးကို မင်းမင်းဖွင့်ပြီး ထုတ်နေတဲ့အချိန်မှာ ဒေစီဂျိန်းက ခေါင်းပေါင်း ပေါင်းတယ်။ နှစ်ပေါင်းမြောက်မြားစွားနတ်က စားလာတဲ့ နတ်ကတော် ခေါင်းပေါင်းကို ငါးခါလောက် ဖျက်လိုက်ပေါင်းလိုက် လုပ်နေကတည်းက မင်းမင်း သိတာပေါ့။
‘ကဲ… ဖယ် ဖယ်၊ ကျုပ်ပေါင်းမယ်။ ခင်ဗျားနဲ့ကတော့ တက်ပွဲတက်ရမှာ မဟုတ်ဘူး’
ဒေစီဂျိန်း မျက်နှာတစ်ခုလုံး ဝင်းပသွားပြီး ပြုံးပြုံးကြီး ဖြစ်သွားတယ်။ မင်းမင်း ဘာပြောပြော ဒေစီဂျိန်း မမှုတော့ပြီ။ ခေါင်းကလေးကို အလိုက်သင့်မော့ပေးရင်း မင်းမင်း ခေါင်းပေါင်းပေးတာကို ကျေနပ်သဘောကျလို့နေတယ်။ ကျေနပ်တဲ့ ဟန်ဆောင်မျက်စောင်း ထိုးလိုက်၊ ဟန်ဆောင်အမဲ့အရွဲ့တွေကို လုပ်လိုက်နဲ့ မင်းမင်း စိတ်မပါ လက်မပါ ပေါင်းပေးတဲ့ ခေါင်းပေါင်း မျက်ခုံးနှစ်ဖက်ကို ဖုံးဖိပြီး ပတ်တီးစည်းသလို ဖြစ်နေတာကိုတောင် မသိကျိုးကျွန် ပြုနေတယ်။
ပြီးတော့မှ မင်းမင်း အပြင်ခဏထွက်တဲ့အချိန် ဘေးနားက မိန်းမတွေလည်း လစ်တဲ့အချိန်လောက်မှ ဗြတ်ဆို ခေါင်းပေါင်းကို ပြင်ပေါင်းလိုက်တယ်။ မြန်လိုက်သလားလည်း မမေးနဲ့။ လှလိုက်သလားလည်း မမေးနဲ့။ ဒီလိုခေါင်းပေါင်းမျိုးကို အကြိမ်ပေါင်းထောင်ချီပြီး ပေါင်းလာခဲ့တဲ့ နတ်ကတော်ပဲ။ မပေါင်းတတ်ဘဲ နေမလား။ သူ ပေါင်းပေးတာကို ခံချင်လို့။ သူ ယုယတာ၊ ဂရုစိုက်တာကို ခံချင်လို့ပါ။
‘ရော့… ရော့… ပုလဲကြိုး၊ ခရမ်းဆွဲ ဆွဲမှာဆိုရင် ပုလဲကြိုးကို အရှည်ပဲ ဆွဲတော့။ အုန်းဆံကြိုးအကြီးလည်း ဆွဲဦးမှာ မဟုတ်လား’
မင်းမင်း စီမံသမျှကို သဘော… သဘောဆိုတဲ့ မျက်နှာပေးနဲ့ ကျေနပ်လို့နေတယ်။
‘ဟဲ့… ပန်းပန်ပေးဦး’
မိန်းမတစ်စုရဲ့ လှောင်ရယ်သံတွေကြားမှာ မင်းမင်းက ပန်းပန်ပေးရပြန်တယ်။ ပြီးတော့ ပုဆိုး ကူဝတ်ပေးရပြန်တယ်။
‘ဟဲ့… ဟိုဟာမတွေ ပြင်ထား၊ ဆင်ထားကြ။ ဘယ်နှနာရီထိုးပြီလဲ။ သွားမယ်နော်။ ငါ့နံပါတ်ဘယ်လောက်… ဟဲ့’
‘ဆယ့်နှစ်၊ ဆယ့်နှစ် လိုပါသေးတယ်။ ခုနက သွားမေးပြီးသား။ နံပါတ်ရှစ် တက်နေတုန်း ရှိသေးတယ်’
‘အေး… ပြီးရော၊ ပြီးရော ပွဲတွေရော၊ ပုဆိုးတွေရော၊ စားတော်စာတွေရော ပြီးပြီနော်’
‘ဒါ ကျွန်တော့်အလုပ်ပါ။ ခင်ဗျား ငြိမ်ငြိမ်နေစမ်းပါ’
‘အို ငြိမ်နိုင်ပါဘူးတော်’
ဒေစီဂျိန်းရဲ့ နောက်ဆက်တွဲစကားတွေကို မိန်းမတွေက အားပေးအားမြှောက် ရယ်လိုက်တာနဲ့ ဒေစီဂျိန်းက ပိုဆိုးတော့တယ်။ ပြောချင်ရာတွေ ပြောတော့မယ်။ ပြောချင်ရာပြော ကိုယ်လုပ်ရမယ့် အလုပ်ကို ပြုံးပြုံးကလေးနဲ့ မင်းမင်း လုပ်လို့ရပါတယ်။ ကြာတော့လည်း မင်းမင်း အရေထူခဲ့ပါပြီ။ ဟိုတုန်းက ဆယ့်ခြောက်နှစ်သားအရွယ်မှာသာ နားစိမ်း၊ နာရိုင်းလေး မိန်းမတွေ အလယ်ကနေ ရှက်ကြောက်ထူပူပြီး ထွက်ပြေးခဲ့ဖူးတာ။ နောက်တော့လည်း ဒါတွေနဲ့ နေသားကျခဲ့ပြီ။ ယဉ်ပါးခဲ့ပါပြီ။
‘နံပါတ် တစ်ဆယ်ရောက်တော့မယ်။ နံပါတ်ကိုး တက်နေပြီ။
နန်းကြီးကို ခြေမြန်တော်လွှတ်ထားတဲ့ အခြောက်မ တင်တင်မြရဲ့ အော်သံ ပျာပျာတာတာလေး ခြံဝင်းဝက ပေါ်လာတာနဲ့ ဒေစီဂျိန်းတစ်အိမ်လုံး လှုပ်ရှားသွားကြတယ်။
ခရမ်းရောင် ယောက်ျားနတ်ဝတ်လဲတော်နဲ့ မင်းသားကြီးတစ်ပါးလို ချောမောခံညားနေတဲ့ ဒေစီဂျိန်းက ရှေ့ဆုံးက ထွက်တယ်။ သူ့နောက်ကမှ တက်ပွဲဒကာနဲ့ ဒကာမတွေ ကန်တော့ပွဲ၊ စားတော်စာပွဲ၊ ပုဆိုးအုပ်တွေနဲ့ ဗောင်းတော်တွေ တင်ထားတဲ့ ရွှေကလပ်တို့၊ စတီးလင်ပန်းတို့ကို တစ်ယောက် စီကိုင်ပြီး တန်းစီထွက်ရမယ်။
အားလုံးဟာ ကောင်းပေ့၊ လှပေ့၊ အဖိုးတန်ပေ့ဆိုတဲ့ အဝတ်အစားနဲ့ လက်ဝတ်လက်စားတွေကို တက်နိုင်သရွေ့ ဝတ်ဆင်ထားခြင်းဖြင့် နတ်ကတော်ရဲ့ ဂုဏ်ရှိန်ကို မြင့်စေတယ်။ ဘုန်းတန်ခိုးအာဏာကို မြှင့်တင်ရာ ရောက်တယ်။
‘ဖိနပ်တွေ ချွတ်ခဲ့ကြနော်။ ဖိနပ်မစီးကြနဲ့’
ထွက်ခါနီးမှာ မင်းမင်းက လိုက်အော်သတိပေးတော့ အဖိုးတန်အဝတ်အစားတွေနဲ့ လိုက်လျောညီထွေအောင် စီးထားတဲ့ အဖိုးတန်ဖိနပ်တွေကို ချွတ်ခဲ့ကြရတယ်။
နန်းကြီးပေါ်မှာ ဖိနပ်ထားစရာ နေရာလည်း မရှိဘူး။ ဘယ်သူမှလည်း စောင့်ပေးမနေနိုင်ဘူး။ ဖိနပ်ကြီးတွေ ကိုင်ပြီး နန်းကြီးပေါ်တက်လို့ ကိုယ်တော်နှစ်ပါးနားက ဖြတ်လို့လည်း ဘယ်သင့်တော်ပါ့မလဲ။ အဲဒီတော့ ဖိနပ်မစီးဘဲသွားတာ အကောင်းဆုံးပဲ။
ခြံဝင်းထဲက ထွက်ပြီး နန်းကြီးကို သွားရာလမ်းတစ်လျှောက်မှာ ဒေစီဂျိန်းနဲ့ နောက်လိုက် နောက်ပါများ တက်ပွဲထွက် မြင်ကွင်းကို ကနားတဲအားလုံးက ငေးမောကြည့်ကြတယ်။ တက်ပွဲမတက်နိုင်ရှာတဲ့ နတ်ကတော်လေးတွေက ကနားတဲ ရှည်မျောမျောလေးထဲမှာ တောင်ပြုန်း လာစရိတ်ကို ကြွေခေါက် နတ်ဟောရှာနေရင်းကနေ ဒေစီဂျိန်းကို အားကျ ငေးမောကြတယ်။
နန်းကြီးရဲ့ ဘေးပေါက်အောက်နားကို ဒေစီဂျိန်းတို့ ရောက်တဲ့အချိန်မှာ နံပါတ်ကိုး တက်ပြီးသွားလို့ နန်းကြီး ရှေ့ပေါက်ကနေ ဆင်းသွားပြီ။ နံပါတ်ကိုး ဆင်းသွားတော့မှ ဘေးပေါက်လှေကားမှာ တန်းစီထားတဲ့ နံပါတ်ဆယ့်တစ်တက်မယ့် နတ်ကတော်အဖွဲ့ကို လှေကားတံခါးပေါက် ဖွင့်ပေးတယ်။ အဲဒီအချိန်မှာ နန်းကြီးနောက်ဘက်ကနေ အဆင်သင့် စောင့်နေတဲ့ နံပါတ်တစ်ဆယ်က နန်းကြီးရှေ့ အရှင်နှစ်ပါးရှေ့ ရောက်သွားပြီ။
နန်းကြီးနောက်ဘက်ကို ဝင်မယ့် တံခါးပေါက်မှာ နန်းထိန်းမျိုးတွေထဲက တာဝန်ကျတွေ စောင့်ကြပ်ထားတယ်။ တက်ပွဲတက်မယ့် နတ်ကတော်နဲ့ အဖွဲ့ကလွဲရင် တခြားမည်သူ တစ်ဦးတစ်ယောက်မှ တက်ခွင့်မရှိဘူး။ အထူးစိစစ်ပြီးမှ တက်ခွင့်ပြုတယ်။
နံပါတ်ဆယ့်တစ် ဝင်သွားပြီးတဲ့အချိန်မှာ နန်းတော်ဘေးတံခါးပေါက်ကို ချက်ချင်း ပြန်ပိတ်ပစ်လိုက်တယ်။ နံပါတ်ဆယ့်နှစ် ဒေစီဂျိန်းတို့အဖွဲ့က ဘေးပေါက်လှေကားရင်းမှာ အဆင်သင့်စောင့်ကြရတယ်။
လှေကားရင်းကနေ ဒေစီဂျိန်းက နန်းတော်ကြီးဘေး ကနားတဲခန်းတွေဆီကို လှမ်းလက်အုပ်ချီတယ်။ နန်းတော်ကြီးဘေး ကနားတဲခန်းတွေမှာ မိဖုရားကြီးတွေနဲ့ နတ်နေကြီး၊ နတ်ဝါကြီး၊ ဗောင်းတွေရှိတယ်။ နန်းတော်ကြီးပတ်လည် ကနားတဲခန်းတွေက ဗွီအိုင်ပီ ကနားတဲခန်းတွေပေါ့။ အလကားရတာတော့ မဟုတ်ဘူး။ သူတို့လည်း ငှားခပေးရတာပဲ။ တစ်ခန်း နှစ်ထောင်ပေးရတာပဲ။ နေရာကောင်းရတာ တစ်ခုပဲ။ နေရာကောင်းတော့ နတ်မေးတဲ့သူ များများလာတာပေါ့။ မိဖုရားကြီးတွေလည်း နန်းကြီးပေါ် မတက်ရတဲ့အချိန် ကြွေခေါက်ရတာပဲ။ ဗောင်းတွေလည်း အတူတူပေါ့။ ကြွေမခေါက် နတ်မဟောလို့ ပိုက်ဆံ ဘယ်ကရမလဲ။
‘မာမီရေ လှတယ်’
အောင်မယ် ဘယ်သူပါလိမ့်လို့။ မော်လမြိုင် စိန်မမ။ ပြင်ထားဆင်ထားလိုက်တာ ဖိတ်ဖိတ်တောက်လို့ပါလား။
‘အေး… နင်လည်း လှတယ်ဟဲ့။ ဟိုမင်းသမီးနဲ့ တူတယ်။ ဘယ်သူဟဲ့ ဘာဗို၊ ဟဲ့ ပြောစမ်း’
ဒေစီဂျိန်းကတော့ လုပ်လိုက်ပြီ။ ဘေးနားက ‘ထွန်းအိန္ဒြာဗို’ လို့ အော်လိုက်တော့မှ…
‘အေး… အဲဒီမင်းသမီးနဲ့ တူတယ်ဟဲ့ စိန်မမ။ နင်က ဆယ့်သုံးလား ဟုတ်လား’
‘ဟုတ်တယ် မာမီ’
စိန်မမက ဒေစီဂျိန်းကို လက်အုပ်ချီ ကန်တော့ရင်း ဖြေတယ်။ ဒေစီဂျိန်းပြောသလိုပဲ စိန်မမက ထွန်းအိန္ဒြာဗို ပြင်ပုံ ဆင်ပုံ ဆံထုံးထုံးပုံအတိုင်း တူအောင်ပြင်ထားတယ်။ ရယ်ပုံ၊ ပြုံးပုံ၊ စကားပြောပုံ အမူအရာတွေပါ တုထားတယ်။ သူက မိန်းမ နတ်ချော့မှာဆိုတော့ မိန်းမပုံပဲ ဝတ်လာတယ်။ သူတက်မှာက ‘ချော့ပွဲ’ ပေါ့။ ဒေစီဂျိန်းတို့လို့ ယောက်ျားနတ် (ဦးမင်းကျော်) ချော့မယ့်ဟာတွေကျ တက်ပွဲပေါ့။ ကြိုတ်တာနဲ့ တက်လို့ရပါတယ်။ ကိုယ်သန်ရာ သန်ရာပေါ့။
ဟိုတုန်းကတော့ ချော့ပွဲနဲ့ တက်ပွဲမှာ မိန်းမနတ်ချော့တဲ့ သူကို တက်ပွဲကြေး လျှော့ယူတယ်။ ခုတော့ တူတူဖြစ်သွားပါပြီ။ စားတော်စာမှာတောင် သူက ပိုရသေးတယ်။ အစ်မတော် (မငွေတောင်) စားတော်စာအတွက် ဆီထမင်းနဲ့ ငါးကြော်က သက်သက်ပါရသေးတယ်။ ပြီးတော့ ဟိုတုန်းက မိန်းမနတ်ချော့ရင် အချိန်အများကြီးရတယ်။ မိန်းမနတ်က အကတွေ များတာကိုး။ အနည်းဆုံး နာရီဝက်၊ တစ်နာရီ ရတယ်။ ခုတော့ မရတော့ပါဘူး။ တက်ပွဲတက်တဲ့သူက များလာတော့ ယောက်ျားနတ်တွေနဲ့ အတူတူပဲ။ ဆယ့်ငါးမီနစ် ဖြစ်သွားပြီ။
စိန်မမနောက်က ပါလာတဲ့ဟာတွေကလည်း မနည်းပါလား။ ဝတ်ထားစားထားတာတွေကလည်း ပျံလို့၊ လန်လို့။ အင်း… စိန်မမကလည်း နည်းတဲ့ မိန်းမလျာမမှ မဟုတ်ဘဲ။ ဒီဘက် နှစ်နှစ်သုံးနှစ်အတွင်း တအားတက်လာတဲ့ ဇာမဏီမပဲ။ အသက်က လေးဆယ်လောက် ရှိဦးမှာ။ တက်ပွဲမှာ ဒီလို အချိန်ကောင်း၊ နံပါတ်ကောင်းရဖို့ဆိုတာ တကယ့် ဗွီအိုင်ပီ နံပါတ်၊ နံပါတ်ကောင်း။ တက်ပွဲက တစ်နေ့ ရှစ်ဆယ်၊ ကိုးဆယ် ရှိတာကိုး။
တက်ပွဲစတဲ့ ညနေ သုံးနာရီက ရှစ်နာရီ၊ ကိုးနာရီအတွင်း တက်ရတဲ့ နတ်ကတော်တွေကမှ တကယ့်ဗွီအိုင်ပီနတ်ကတော် နာမည်ကြီး နတ်ကတော်။ နံပါတ် ခုနစ်ဆယ်ကျော် ရှစ်ဆယ်ကျော်ကျပြီး ညနာရီပြန်မှ တက်ရတဲ့ နတ်ကတော်က မျက်နှာမွဲ နတ်ကတော်၊ နာမည်မရှိရှာသေးတဲ့ နတ်ကတော်ပေါ့။ ကိုယ့်ကြည့်မယ့်လူမရှိ ဘာမရှိ။ မိုးလင်းခါနီး ပဲပြုတ်သည်နဲ့ ရောတက်ရတဲ့ နတ်ကတော်လေ။
‘ဟဲ့… ဂျိန်း၊ ကျားယောက်ဆောင်သော ဂျိန်းပါလားဟဲ့’
‘အောင်မယ်… ဆောင်စရာလားဟဲ့။ ခေတ္တရာသူ အပျက်မရဲ့’
နန်းကြီးဘေးကို နောက်ထပ်ရောက်လာတဲ့ နံပါတ်ဆယ့်လေး၊ ဆယ့်ငါးတွေနဲ့ ဒေစီဂျိန်းနဲ့ အချင်းချင်း အော်ကြ၊ ဟစ်ကြ နှုတ်ဆက်ကြတယ်။ ဝတ်လာတဲ့ အဝတ်အစားအဆင် တန်ဆာချင်းလည်း ပြိုင်ကြ ဆိုင်ကြ ကြည့်ကြရင်းနဲ့ တက်ပွဲတက်ဖို့ စောင့်ရတဲ့အရသာဟာ တက်ပွဲတက်ဖူးတဲ့ နတ်ကတော်ချင်းပဲ သိတယ်။ ဒါ အရသာပဲ။ ဒီအရသာအတွက် တစ်နှစ်လုံး တက်ပွဲစရိတ်ကို ကြော်ကြရ၊ လှော်ကြရတာလေ။
‘တစ်ဆယ်ပြီးတော့မယ်နော်… တစ်ဆယ်’
နန်းကြီးဘေး တံခါးပေါက်ဘေးကနေ မင်းမင်းက ဒေစီဂျိန်းတို့အဖွဲ့ကို လှမ်းသတိပေးတယ်။ ဒေစီဂျိန်းက အသာနားစွင့်လိုက်တယ်။ ဟုတ်သားပဲ။ ဖေကြီးကျော် ဒိုးဆွဲနေပြီ။ နံပါတ်တစ်ဆယ်ပြီးတော့မယ်။ တစ်ဆယ်ပြီးရင် ဒေစီဂျိန်းတို့ နောက်ထဲဝင်လို့ရပြီ။
‘အားလုံး… အားလုံး ကိုယ့်အဖွဲ့ ကိုယ်စစ်ပါ။ မဆိုင်တဲ့လူ မပါစေနဲ့။ ကိုယ့်လူ ကိုယ်စစ်ပါ’
ဒါမျိုးကတော့ ကိုမင်းမင်းတို့က ဖြစ်ပါတယ်။ တာဝန်ကျ နန်းထိန်းတွေက မအော်ရဘူး။ သူက ဆရာကြီး။ တာဝန်ကျ နန်းထိန်းတွေနဲ့ သူက အဖွဲ့လေ။ ဘေးတံခါးပေါက်ကနေ သူက နေရာယူပြီးသားဆိုတော့ ကိုယ့်လူကိုယ် ကြိုက်သလောက် သွင်းလို့ရတာပေါ့။ မဟုတ်ရင် နန်းထိန်းအစောင့်တွေက လူများတယ်ဆိုပြီး ဖြတ်ချတတ်တယ်။
‘ကဲ… လာ လာ၊ အားလုံးလာ’
နံပါတ်တစ်ဆယ် ဆင်းသွားတာနဲ့ ဘေးတံခါးပေါက် ပွင့်လာတယ်။ မင်းမင်းရဲ့ ဆော်သြမှုနဲ့ ဒေစီဂျိန်းတို့အဖွဲ့ မြန်မြန်ဝင်ရတယ်။
‘ဟေ့… ဟေ့ ဟိုလူ ဘယ်သူလဲ။ ဘာလို့ တိုးဝင်နေတာလဲ၊ ဖယ်… ဖယ်’
ကိုယ့်အဖွဲ့ ကိုယ်သိတဲ့ မင်းမင်းက လှမ်းအော်တော့မှ ကြားဖြတ်လိုက်ဖို့ ကြိုးစားနေတဲ့လူ ထွက်သွားတယ်။ ဒါမျိုးကို နန်းထိန်းအစောင့်တွေက သိပ်သတိထားရတယ်။ နန်းကြီးထဲကို တက်ပွဲတက်နေတဲ့အချိန် အဆိုင်တဲ့လူ ဝင်မလာဖို့ သိပ်အရေးကြီးတယ်လေ။ နန်းကြီးထဲမှာ ပြဿနာတွေက ဖြစ်ပေါင်းများလှပြီ။
နန်းကြီးနောက်ထဲကို ဒေစီဂျိန်းတို့အဖွဲ့ ရောက်လာတာနဲ့ ပါလာတဲ့ ကန်တော့ပွဲတို့၊ စားတော်စာပွဲတို့၊ ပုဆိုးအုပ်တို့ကို နန်းကြီးမျိုးတာဝန်ကျ အမျိုးသမီးကြီးတွေက စုံမစုံ၊ စေ့မစေ့ စစ်ဆေးတယ်။ ကန်တော့ပွဲ ပါရဲ့လား။ စားတော်စာ ပြည့်စုံရဲ့လား။ ပုဆိုးအုပ် သုံးအုပ် ဟုတ်ရဲ့လား။ ပဝါခြောက်ပိုင်ဟုတ်ရဲ့လား ဆိုတာကို စစ်ဆေးပြီး သူတို့ထည့်စရာတွေမှာ ပြောင်းပြီး ပြင်ရတယ်။ မပြင်လို့လည်း မရဘူးလေ။ တက်ပွဲတွေက ဆက်နေတော့ အချိန်မရဘူး။ ကိုယ့်ထည့်စရာနဲ့ကိုယ်ဆို တက်ပွဲပြီးရင် ပြန်လှယ်ရတာတို့ ဘာတို့ လုပ်ရဦးမယ်။ အဲလို လှယ်နေဖို့ အချိန်မရဘူး။ ဒီတော့ နောက်မှာ နန်းကြီးက ထည့်စရာ၊ ပြင်စရာနဲ့ တစ်ခါတည်းပြင်ထား။ ဟိုနား ဒီနား ချမထားခဲ့နဲ့။ ဘယ်သူမှ ဒီအချိန်မှာ တာဝန်မယူဘူး။
နန်းကြီးမျိုး နန်းထိန်းမျိုး တာဝန်ကျ အမျိုးသမီးဝဝကြီးက ကြမ်းပြင်မှာ ခြေဆင်းထိုင်ရင်း ညောင်းညာပင်ပန်းတဲ့အကြောင်း ညည်းညူနေတယ်။ ဒါတောင် သူတို့တွေ ကိုယ့်ဆွေမျိုး အုပ်စုပေါင်း နည်းတာမဟုတ်ဘူး။ အားလုံး အလှည့်ကျ တာဝန်ယူရတာ။ နန်းထိန်းမျိုးတွေ နည်းတာမှတ်လို့။ ဒါတောင် အလုပ်နဲ့လူနဲ့ အမျှဘူး။ နန်းထိန်းမျိုးမဟုတ်တဲ့ တခြားသူစိမ်းကလည်း နန်းကြီးတာဝန်ကို ထမ်းလို့ မရဘူးလေ။ နန်းထိန်းမျိုးမှ နန်းကြီးတာဝန်ကို ယူလို့ရတာ။
‘ဓါတ်ပုံရိုက်မှာဖြင့် ရိုက်ကြလေ။ မြန်မြန်လုပ်’
တက်ပွဲဒကာတွေနဲ့ ဒေစီဂျိန်းကို မင်းမင်းက ဆော်သြပြန်တယ်။ နန်းကြီးရဲ့ ခွင့်ပြုချက်နဲ့ ကန်ထရိုက်ယူရိုက်တဲ့ ကင်မရာတွေရဲ့ မီးရောင်တွေ နန်းကြီးနောက်ပိုင်းမှာ တဖျတ်ဖျတ် လင်းလက်နေကြတယ်။ ဒီမှာ ကင်မရာယူလာလို့ မရဘူး။ နန်းကြီးကင်မရာနဲ့ပဲ ရိုက်ခွင့်ရှိတယ်။ ဗီဒီယို ရိုက်ချင်လည်း ရတယ်။ ဗီဒီယိုရိုက်မယ်ဆိုရင် တက်ပွဲကြေး သွင်းကတည်းက နန်းကြီးမှာ တစ်ခါတည်း ငွေသွင်း စာရင်းပေးထားရတယ်။
ဒေစီဂျိန်းတို့အဖွဲ့ ဓါတ်ပုံ လေးငါးခြောက်ပုံပဲ ရိုက်ရသေးတယ်။ ရှေ့က နံပါတ်ဆယ့်တစ် ဒိုးဆွဲသံကြားရပြီ။
‘ကဲ… လုပ်… လုပ်၊ ကန်တော့ပွဲ ရွက်ထားလေ။ စားတော်စားပွဲတွေရော အားလုံး တန်းစီထား။ ကဲ… ခင်ဗျားက ရှေ့မှာ သွားနေလေ။ ဘာလုပ်နေတာလဲ’
မင်းမင်းက အားလုံး အဆင်သင့်ဖြစ်ဖို့ ပျာယာခတ်နေတယ်။ ယောက်ျားပုံ ခန့်ခန့်ကြီးနဲ့ ဒေစီဂျိန်းက ကြာမူပါပါ မဲ့ကာ ရွဲ့ကာ မျက်စောင်းထိုးတာနဲ့ ကျေနပ်လို့ နေတယ်။
‘ဆယ့်တစ်ပြီးပြီ၊ ဝင်… ဝင်… မြန်မြန်ဝင်’
မင်းမင်းရှေ့ကနေ အားလုံးကို ဦးဆောင်သွားတယ်။ ဒေစီဂျိန်းတို့ နန်းကြီးရှေ့ဘက် အရှင်နှစ်ပါးရှေ့ကို ရောက်တာနဲ့ ရှေ့က နံပါတ်ဆယ့်တစ်ရဲ့ ကန်တော့ပွဲ၊ စားတော်ပွဲတွေ နန်းကြီးဘေးက အခန်းထဲရောက်သွားပြီ။ ငှက်ပျော်သီး၊ အုန်းသီးတွေ၊ စားတော်စာတွေနဲ့ ပြည့်လျှံနေတဲ့ ဘေးခန်းထဲကို မြန်မြန်ဆွဲချပစ်လိုက်ပြီ။
ဒေစီဂျိန်း အရှင်နှစ်ပါးရှေ့အရောက် (နံပါတ်ဆယ့်တစ် နန်းကြီးရှေ့ လှေကားထစ်ပေါ်မှာတင် ရှိသေးတယ်) ဆိုင်းက တန်းပြီး တီးတော့တာပဲ။ အချိန်မရဘူးလေ အချိန်။ နောက်တက်ပွဲတွေ အများကြီး ရှိသေးတယ်လေ။
ချက်ချင်းပဲ ဒေစီဂျိန်းက အရှင်နှစ်ပါးနဲ့ ရှေ့မှာထိုင်နေကြတဲ့ သိုးဆောင်းမိဖုရားကြီးတွေကို ကန်တော့ပြီး နတ်ကြီးကောက်တယ်။
နတ်ကြီးကောက်ပြီးတာနဲ့ ဆိုင်းက ချိုးချလိုက်တော့တယ်။ ဖေကြီးကျော် ကြက်လောင်းပေတော့။
‘ရွှေခန်းမင်းကျော် မြင်းပေါ်တင်ကာခေါ်… ဟေ့… ဟေ့… ဟေ့…’
ဒေစီဂျိန်း ကြက်ဖလားထဲကို တက်ပွဲဒကာ သုံးထောင်အုပ်နဲ့ လိုက်လာတဲ့ ပရိသတ်အဖွဲ့တွေက ပိုက်ဆံတွေ ထည့်ကြတယ်။
သူတို့တစ်တွေက ဒေစီဂျိန်း ကြက်လောင်းမယ့် လျှောက်လမ်းဘေးတစ်ဖက်တစ်ချက်စီမှာ နေရာယူထားကြတယ်။ အရှင်နှစ်ပါးရှေ့ကစပြီး ဘေးနှစ်ဖက်လုံး သံပန်းတွေအပြည့် ကာထားတဲ့ထဲမှာ သိုးဆောင်း ဗောင်းဆောင်းတွေနဲ့ နန်းထိန်းတွေရယ်၊ တက်ပွဲတက်တဲ့ နတ်ကတော်နဲ့ နောက်လိုက်အဖွဲ့တွေရယ်ပဲ ရှိတယ်။ မဆိုင်သူ တစ်ယောက်မှ ဝင်လို့မရဘူး။ အဲ… လုံခြုံရေးအတွက်ထားတဲ့ ရဲနှစ်ယောက်တော့ ရှိတယ်။
‘ရွှေခန်းမင်းကျော် မြင်းပေါ် တင်ကာခေါ်… ခေါ်… ခေါ်… ခေါ်… ခေါ် ’
ဒေစီဂျိန်းရဲ့ ကြက်ဖလားထဲက ပြည့်ဖြိုးမောက်လျှံနေတဲ့ ငွေတွေကို မြင်တာနဲ့ ပါးလှပ်နေတဲ့ အဆိုတော်က ‘ခေါ်… ခေါ်… ခေါ် ’ တွေ လုပ်တော့မယ်။ မြင်တာနဲ့ သိလိုက်ပြီးပြီ။ အိမ်တွင်းဗောင်းဆောင်း ဦးဘစီ၊ ငွေပေါ်တဲ့ ဒေစီဂျိန်းလေ။ ‘ခေါ်… ခေါ်… ခေါ် ’ တွေ လုပ်တော့မှာပေါ့။ မဟုတ်လို့ကတော့လား။ ပိုက်ဆံမပေါတဲ့၊ ရေမလျှံတဲ့ မျက်နှာမွဲနတ်ကတော်လေးတွေများ ဆိုလို့ကတော့ ‘ရွှေခန်းမင်းကျော် မြင်းပေါ်တင်ကာခေါ်’ ဒါပဲ။ ‘ခေါ်’ပဲ။ ခေါ် တစ်လုံးပဲ။ အမယ်လေး… ပိုက်ဆံထွက်မယ့် နတ်ကတော်ကျ လုပ်လိုက်ပါလိမ့်မယ်။ ‘ရွှေခန်းမင်းကျော် မြင်းပေါ်တင်ကာ ခေါ်… ခေါ်… ခေါ်… ခေါ်… ခေါ် ’ အဲဒီလို။
‘လာကြနော်… လာကြနော်… လာကြနော်… လာကြနော်’
ဟော… လာကြနော်တွေကလည်း ထပ်လို့။ ဒေစီဂျိန်း ကြက်ဖလား သုံးဖလား လောင်းရမယ်။ ပထမနှစ်ဖလားက အရှင်နှစ်ပါးအတွက် နန်းကြီးကို ပေးရမယ်။ နောက်တစ်ဖလားက ဆိုင်းအတွက်။ နန်းကြီးအတွက် နှစ်ဖလားက အနည်းဆုံး လေးထောင်ရှိရမယ်။ တစ်ဖလားကို နှစ်ထောင် အနည်းဆုံး ရှိရမယ်။ ကိုယ့်တက်ပွဲဒကာကတော့ တစ်ဖလားကို သုံးထောင် လုပ်ရှာပါတယ်။ လိုက်လာတဲ့ ပရိသတ်ကောဆို တစ်ဖလားကို သုံးထောင်ကျော်ပါတယ်။
နန်းထိန်းမျိုး မိန်းမတစ်ယောက် လက်ခံနေတဲ့ ပီနန်အိတ်ဖြူကြီးထဲမှာ ပိုက်ဆံတွေ ပြည့်လျှံစပြုပြီ။ ဒါ နံပါတ်ဆယ့်နှစ်ပဲ ရှိသေးတယ်။ မနက်လင်းကာနီး တက်ပွဲအားလုံး ကုန်တဲ့အချိန်ဆို ပီနန်အိတ်ကြီးတွေ ငါးအိတ်ခြောက်အိတ် ပြည့်လျှံနေတော့တယ်။ ဒါတွေကြောင့် သံပန်းတွေကာပြီး လုံးခြုံရေးလည်း ချထားရတာပေါ့။
‘လာကြနော်… လာကြနော်
လိုက်ချင်သူ… လာကြနော်
လိုက်မယ့်သူတွေ… လာခဲ့နော်
ဖေကျော်က… ခေါ်တယ်လေး’
နောက်ဆုံး ကြက်ဖလားကို ဆိုင်းပစ်ပေးပြီးတာနဲ့ ဒေစီဂျိန်းတို့က ဟိုဘက်ဒီဘက် လက်ကိုင်ကြေး ငါးရာစီနဲ့ ဒိုးဆွဲတော့မယ်။
‘ဟေ့… ဒိုး…ဒိုး… နန်းတော်ကြီးက ဒိုး’
ဒေစီဂျိန်းရဲ့ လက်ကိုင်ကြေးကို ကြည့်ပြီး တစ်ဆိုင်လုံးက ဝိုင်းအော်တဲ့ ဒိုးသံတွေ နန်းကြီးပေါ်မှာ ဟိုန်းလို့နေတယ်။ ဒီလိုဟိန်းမှ ဒေစီဂျိန်းတို့က ကြိုက်တာ။ ပေးမယ်။ ပိုက်ဆံပေးမယ်။ ဒိုးကြေးပေးမယ်။ ရော့ဟဲ့ အဆိုတော်တွေ။ ရော့ဟဲ့… ဝိုင်းသမားတွေ။ ရော့… လုံခြုံရေးတွေ။
ကျန်တဲ့ပိုက်ဆံအားလုံးကို ဒေစီဂျိန်းက ကြဲချလိုက်တယ်။ ကောက်ချင်တဲ့သူ ကောက်ကြ။ သံပန်းအပြင်ဘက် လွင့်သွားလည်း အပြင်က လူတွေကောက်ကြ။
နန်းတော်က တက်ပွဲမှာ ဘာမှယူရတာ မဟုတ်ဘူး။ နန်းတော်ပေါ်အကုန်ထားပစ်ခဲ့ရတ။ နတ်ကတော်ရတာက တက်ပွဲဝတ်တက်ရတဲ့ ပုဆိုးနဲ့ နန်းတက်ရတယ်ဟဲ့ ဆိုတဲ့ ဂုဏ်ပဲ။ ဒါပဲ။ တချို့နတ်ကတော်တွေကတော့ လုပ်ကြတယ်။ လက်ကိုင်ကြေးကို ကရင်းကနေ ပုဆိုးထဲ အလစ်ထိုးပြီး ယူတာပေါ့။ ကိုယ်လည်း ငယ်တုန်းက လုပ်ဖူးပါတယ်။ ခုတော့ တော်ပြီ။ မက်လည်း သိပ်မမက်တော့ဘူး။ ပြီးတော့ ဒီခေတ်ကြီးက ဆိတ်ကွယ်ရာ မရှိဘူး။ ရှက်စရာကြီး။ မနှစ်က နတ်ကတော်တစ်ယောက် အလစ်ဆိုပြီး အဲလို လုပ်ချလိုက်တာ။ ဗီဒီယိုရိုက်ထားတော့ ဗီဒီယိုထဲမှာကျ ထင်းထင်းကြီး ပေါ်ရောတဲ့။ ကဲ… ရှက်စရာကြီး။
‘ကဲ… လာ…လာ… ထွက်မယ်။ အားလုံး ဒီကထွက်မယ်’
ဆိုင်းချလိုက်တာနဲ့ မင်းမင်းရဲ့ဆော်သြသံ ထွက်လာတယ်။ တက်ချိန် ဘယ်လောက်ရှိပါလိမ့်။ သူများထုံးစံ ဆယ့်ငါးမိနစ်တော့ ကမှာမဟုတ်ဘူး။ ဂျိန်းဆို ငါးမိနစ်လောက်ကတော့ ပိုပြီးသားပဲ။ ဒိုးကြေးမျက်နှာပေါ့။ ညနက်ပိုင်းလည်းရောက်၊ ဒိုးကြေးမျက်နှာလည်း မရှိတဲ့သူတွေဆို ကိုးမိနစ်၊ ဆယ်မိနစ်နဲ့ ဆွဲချပစ်တာ ဘာမှတ်လို့လဲ။
‘ကဲ… ဦးဘစီ၊ ဦးဘစီ’
နန်းတော်ရှေ့ ဘေးလှေကားကို ထွက်ဖို့ ဖောက်ထားတဲ့ သံပန်းဘေးတံခါး အသေးလေးနားကို ရောက်တာနဲ့ မင်းမင်းရဲ့ သူစိတ်တိုရင် ခေါ်တတ်တဲ့ သတိပေးသံကို ဒေစီဂျိန်းက မျက်စောင်းနဲ့ တုံ့ပြန်တယ်။ တကတဲ အဖေရယ် သိပါတယ်။ ဒေစီဂျိန်းက ပုဆိုးခါးပုံစကို ယူတဲ့ပြီး လည်ပင်းကို ပတ်လိုက်တယ်။ အပြင်လူအုပ်ထဲ ရောက်တော့မှာမို့ လက်ဝတ်လက်စားတွေအတွက် လုံခြုံရေးလေ။
ဖြစ်ဖူးတာကိုး။ ဒီလိုအထွက်မှာ လုပြေးတာမျိုးတို့၊ ခုနက ကြက်လောင်းတဲ့၊ ပိုက်ဆံကြဲတဲ့ အချိန်မျိုးမှာလည်း အပြင်က သူစိမ်းပါလာရင် ကပ်ပြီး ကိုယ့်လူလိုလို ဘာလိုလိုနဲ့ ဆွဲကြိုးတွေ ဘာတွေ ဖြတ်သွားတတ်တယ်။ ကိုယ်က ဇောနဲ့ကနေတော့ ဘာမှမသိလိုက်တော့ဘူး။
မင်းမင်းဟာ ဂျိန်းအတွက် အဲဒါတွေကို အားကိုးရတာပေါ့။ တက်ပွဲတက်တဲ့အချိန်ဆို မိန်းမဘေးနားက သူ ဘယ်တော့မှ မခွာဘူး။ စိုးရိမ်တာတွေ၊ ဂရုစိုက်တာတွေ။
‘အေ့… အေ့… ကိုကြီး မူးတယ်ကွာဟေ့’
နန်းကြီးက နေအိမ်ဘက်ဆီကို ချိုးကွေ့လိုက်တာနဲ့ လည်ပင်းပတ်လာတဲ့ ပုဆိုးခါးပုံစကို ဗြတ်ဆို ဖြုတ်ချလိုက်ရင်း ဒေစီဂျိန်းက လုပ်ချလိုက်ပြီ။
လေချဉ်တွေ တအေ့အေ့တက်ပြီး နတ်ဝင်တတ်တဲ့ ဖေကြီးကျော်စတိုင်လ်က ဒေစီဂျိန်းရဲ့မူပိုင်ဟန်၊ မူပိုင်စတိုင်လ်။ နေညိုလေပြိုတတ်တဲ့ ဖေကြီးကျော်က နန်းကြီးပေါ်ကနေ လိပ်ပြာမခွာသေးဘဲ ကပ်နေသေးတဲ့သဘော။ ဒါ တက်ပွဲက ဆင်းရင် ဒေစီဂျိန်း လုပ်နေကျပဲ။ လိပ်ပြာရှင်ကို ဖေကြီးကျော်က ချစ်လွန်းလို့ စီးလိုက်လာတာပေါ့။
‘ဟေ့…ဟေ့… ကွပ်ပျစ်ပေါ်မှာ ကော်ဇောခင်းထား’
မင်းမင်းက အိမ်အဝင်ဝမှာ အရေးတကြီး လှမ်းအော်ပေးရတယ်။ တက်ပွဲတက်လာတာ ချွေးတွေသံတွေ တရွှဲရွှဲနဲ့ အိမ်ဘေးမန်ကျည်းပင်အောက်က ကွပ်ပျစ်မှာ ဒေစီဂျိန်း နားသင့်တယ်လေ။
‘ကြွပါဘုရား၊ အဖေကြီး ဒီကို ကြွပါဘုရား’
‘အေး… အဖေကြီးကို ရေကြည်တော်ဆက်ဟဲ့’
အချိုရည် ပလစ်စတစ်ဘူးလေးကို ပိုက်တပ်ပြီး မင်းမင်းက ယူလာတယ်။ တက်ပွဲဒကာမက ဖေကြီးကျော်ကို ယပ်သွင်းတယ်။
‘ဟေ့…မောင်းမ၊ ကိုယ်တော်ကြီးနောက်က ခစားပြီး လိုက်ခဲ့။ အောက်နန်းမှာ ကိုယ်တော် နန်းတက်ဦးမယ်ကွ။ ပျော်ဦးမယ်ကွ’
‘မှန်ပါ့ဘုရား… လိုက်ပါ့မယ် ဘုရာ့’
ကွပ်ပျစ်ပေါ်ကနေ ဒေစီဂျိန်းက ခုန်ဆင်းလိုက်ပြီး အချိုရည်ဘူးကို ကိုင်မြှောက်လိုက်တယ်။
‘ဟေ့… အဖေကြီးရဲ့သားတွေ သမီးတွေ၊ နောက်လိုက် နောက်ပါတွေအားလုံး ပြေလယ်ပြင်အောက်နန်းမှာ ကိုယ်တော် ပျော်ဦးမယ်။ လိုက်ကြမှာလားဟေ့’
‘လိုက်ပါ့မယ် ဘုရား၊ လိုက်ပါ့မယ်’
ခြံဝင်းထဲက လူအားလုံး လက်အုပ်လေးတွေချီပြီး ဝိုင်းအော်ကြရတယ်။
‘အေး… ပြေလယ်ပြင်ပြီးရင် လက်ခြောက်ဖက်နန်း၊ ပြီးရင် ငါ့ရဲ့နန်း၊ ဖေကြီးကျော်ရဲ့နန်းကို သွားမယ်ဟေ့’
အားလုံးက ဟေးခနဲအော်ပြီး လက်ခုပ်တွေ တီးကြပြန်တယ်။ ဖေကြီးကျော် ဒေစီဂျိန်းကတော့ တအေ့အေ့ လေချဉ်တက်ရင်း ရှေ့ကနေ ထွက်တယ်။
‘လာ ညီဖွား… ကိုကြီးကို တွဲ’
ဖေကြီးကျော်က မင်းမင်းကို မှီနွဲ့လိုက်တယ်။ အသက်ကြီးတော့ နည်းနည်းတော့ မောချင်ပြီ။ အောက်နန်းတွေမှာကျ ခုန်ရပေါက်ရဦးမယ် မဟုတ်လား။
ပွဲတော်တစ်ကွင်းလုံးကို နတ်ဆိုင်းသံတွေက ဖုံးလွှမ်း စိုးမိုးထားတယ်။ ပွဲတော်ထဲက အောက်နန်းတွေပေါ်မှာ ဆိုင်းကိုယ်စီရှိတယ်။ အောက်နန်းတွေပေါ်မှာလည်း နတ်ကတော်တွေ နန်းတက်ကြတာကို။ နန်းကြီးတက်ပွဲကို မတက်နိုင်သေးတဲ့ နတ်ကတော်လေးတွေက အောက်နန်းတွေမှာ တက်ကြတယ်။ အောက်နန်းတက်ပွဲစရိတ်က နန်းကြီးတက်ပွဲ စရိတ်လောက် မကြီးဘူးလေ။ သုံးထောင်နဲ့ ငါးထောင်ကြားပဲ ရှိတာ။ နန်းကြီးတက်ပွဲလို ပုဆိုးအုပ်တို့ ဘာတို့ ပါစရာ မလိုဘူး။ စားတော်စာပဲပေါ့။ အရက်တို့၊ ကြက်ကြော်တို့နဲ့ တခြားစားတော်စာတွေပေါ့။ တက်ပွဲကြေးကတော့ နန်းကြီးလိုပဲရှိတယ်။ နန်းကြီးလောက်တော့ မများဘူးပေါ့။ တက်ပွဲကြေးက ငါးရာပဲ။ ကြက်လောင်းကြေးနဲ့ လက်ကိုင်ကြေးက ထောင့်ငါးရာ ရှိရတယ်။ အောက်နန်းတွေမှာလည်း နန်းထိန်းတွေ ရှိတယ်။ အဲဒီ နန်းထိန်းတွေပဲ နန်းနဲ့ပတ်သက်တာ၊ တက်ပွဲနဲ့ ပတ်သက်တာတွေ အားလုံးကို လုပ်ပိုင်ခွင့်ရှိတယ်။ ပိုင်ဆိုင်ခွင့် ရှိတယ်။ နန်းကြီးတက်ပွဲထက် ပိုကောင်းတာတစ်ခုက အောက်နန်းတက်ပွဲက အချိန်ရတာပဲ။ နတ်ကတော်တစ်ဦးကို နှစ်နာရီလောက် တက်လို့ရတယ်။ နှစ်နာရီဆိုတော့ အားရပါးရ ချော့ရကရတာပေါ့။
ဒေစီဂျိန်းတို့လို နန်းကြီးတက်တဲ့ နတ်ကတော်တွေက နန်းကြီးတက်ပွဲ တက်ပြီးတာနဲ့ အောက်နန်းတွေမှာ လိုက်ပြီး တက်ကြသေးတယ်။ ပျော်ကြသေးတယ်ပေါ့။ မင်းမင်း စိတ်ထဲမှာတော့ အောက်နန်းတွေဟာ သင်္ကြန်မဏ္ဍပ်တွေလိုပဲ။ နာမည်ကြီးဆိုင်းတွေနဲ့ နာမည်ကြီး အဆိုတော်တွေက နာမည်ကြီးသီချင်းတွေဆိုလို့။ အဲဒီမှာ နာမည်ကြီး နတ်ကတော်တွေက တစ်နန်းဝင် တစ်နန်းထွက် ဝင်ကကြတာကိုး။ အဲဒီအရသာကို နတ်ကတော်တိုင်း မက်မောကြတယ်။ မက်မက်မောမော ပျော်ကြတယ်။ ဒေစီဂျိန်းတို့ဆို စတန့်လေးနဲ့တောင် ပျော်လိုက်သေးတယ်။ နန်းကြီးတက်ပွဲကလည်း လိပ်ပြာကပ်ပါလာတဲ့ ဖေကြီးကျော်က နောက်လိုက်နောက်ပါ အစုံအလင်နဲ့ တစ်နန်းဝင် တစ်နန်းထွက် ပျော်တာလေ။
မင်းမင်းကလည်း ပျော်ပါတယ်။ နောက်နန်းတွေ လျှောက်သွားရတဲ့ အရသာကို မင်းမင်းလည်း ကြိုက်တယ်။ တက်ပွဲဒကာ၊ ဒကာမတွေနဲ့ နောက်လိုက်နောက်ပါအားလုံးလည်း ကြိုက်တယ်။ စိတ်လွတ်လက်လွတ် ပျော်ခွင့်ရတာကိုး။ ပျော်ကြရတာကိုး။ နန်းကြီးနန်းတက်ပွဲ အောင်မြင်စွာပြီးဆုံးတဲ့ အထိမ်းအမှတ်လေ။ စိတ်လွတ်ကိုယ်လွတ် ပျော်ကြစမ်း။
အောက်နန်းမှာ မင်းမင်း အရက်သောက်ခွင့်ရတယ်။ မူးအောင်သောက်လို့ရတယ်။ တက်ပွဲဒကာတွေလည်း မူးကြတယ်။ အားလုံးပဲ ပျော်ပျော်ပါးပါး မူးကြတယ်လေ။
ကြည့်ပါလား။ ပြေလယ်ပြင် ရှမ်းမောင်နှမ နတ်နန်းရဲ့ မီးလုံးရောက်စုံတွေအောက်မှာ အားလုံးပဲ လှနေတယ်။ အားလုံးပဲ ရီဝေနေတယ်။ အားလုံးဟာ စိတ်တွေကို လွှတ်ပစ်လိုက်ဖို့ အဆင်သင့် ဖြစ်နေကြတယ်။
‘ဟေ့… လာ…လာ…လာနော်… ပျင်းသလားကွဲ့နော်… သီချင်းသွားဟစ်အော်… မင်းနှစ်ပါးရဲ့ပွဲတော်… ပွဲတော် စလားနောက်လား… ပျော်…ပျော်… တကြော်ကြော် ပျိုစိတ်မဆိုးနဲ့… ထုံးစံမို့နော်’
နတ်ဒိုးသံဟာ လူတွေရဲ သွေးကြောတွေထဲကို ထိုးဖောက်ဝင်ရောက်နိုင်စွမ်း ရှိတယ်။ စိတ်ကို မြူးကြွသာယာစေတယ်။ ပြီးတော့ အချစ်သွေးကိုလည်း ကြွစေနိုင်ပါလား။ မူးယစ်ရီဝေနေတဲ့ မင်းမင်းနဲ့ နတ်နန်းထဲက မိန်းကလေးတစ်ယောက်နဲ့ ဘေးချင်းပူးကပ်ထားကြတယ်။ နတ်ချစ်သူ ပရိသတ်ပြည့်ကျပ်နေတဲ့ ဒီလိုအချိန်မှာ ဘယ်သူက ဘယ်သူ့ကို အပြစ်ဆို လို့ရမလဲ။ ဘယ်သူက ဘယ်သူ့ကိုမှလည်း အပြစ်မဆိုကြပါဘူး။ အပြစ်မဆိုဘဲ အချစ်ပိုသွားကြတဲ့သူတွေသာ အများကြီး။ မင်းမင်း သိတာပေါ့။ သိလည်း သိခဲ့ဖူးပြီ။ ကြုံလည်း ကြုံခဲ့ဖူးပါပြီ။
ဟိုမှာလေ အဆိုတော်မလေးကို တက်ပွဲဒကာအဖွဲ့ထဲက ယောက်ျားတစ်ယောက်က ကိုးဆယ်တန်တွေ အင်္ကျီရင်ဘတ်ထဲ ထိုးထည့်ဆုချဖို့ ကြိုးစားလို့။ အဆိုတော်မလေးကလည်း ရီဝေဝေ ပြီတီတီ အကြည့်တွေကို အပြုံးမပျက်ခံယူရင်း ငွေစက္ကူရွက်တွေကို ကျွမ်းကျင်လိမ္မာစွာ အဝတ်ထဲထည့်လို့။ ခပ်ငယ်ငယ် ဝိုင်းတော်တီးရွာစားလေးနဲ့ ပရိသတ်ထဲက ကောင်မလေးတစ်ယောက်ကလည်း ရီဝေဝေ အကြည့်တွေကြားမှာ အပေးအယူတွေ မျှတလို့။
ဒေစီဂျိန်းနောက်မှာ ကဖို့စောင့်နေတဲ့ မိန်းမနတ်ဝတ်စုံနဲ့ မိန်းမလျာနတ်ကတော်ကတော့ ယိမ်းယိုင်နေတဲ့ သူငယ်အစင်လေးတစ်ယောက်ကို ချိုသာဖေးမရင်း အမိဖမ်းဖို့ ကြိုးစားလို့ နေတယ်။
‘ဟေ့… ရွှေပြုံး… ငွေပြုံး… ပွဲရတောင်ပြုန်း။
ပျော်မဆုံးလှတဲ့ တို့အညာပွဲတော် လာစေချင် ဖိတ်ခေါ်’
နတ်နန်းပေါ်မှာ တစ်ယောက်ယောက် ကြဲချလိုက်တဲ့ ငွေစက္ကူရွက်တွေ ပလူပျံကျလာတယ်။ ကျပ်တန် ငါးကျပ်တန်အသစ်လေးတွေကို တစ်ယောက်နဲ့တစ်ယောက် တိုးဝှေ့ကောက်ကြရင်းအဆွဲအလွဲလေးတွေ ဖြစ်ပွားသွားခဲ့တယ်။ ကောင်မလေးတစ်ယောက်ရဲ့ ငါးကျပ်တန် ဆုပ်ထားတဲ့ လက်ကလေးကို မင်းမင်း အကြာကြီး ဆုပ်ထားလိုက်ရတယ်။ မူးနေတဲ့ တက်ပွဲဒကာတော့ အမျိုးသမီးတစ်ယောက် ရင်ခွင်ထဲ ကျသွားတဲ့ ကျပ်တန်လေးတစ်ရွက်ကို အတင်းလိုက်လုတယ်။ အမျိုးသမီးကလည်း ရယ်လို့မောလို့။
ဖေကြီးကျော် ဒေစီဂျိန်းက ခုန်ရင်း ပေါက်ရင်းကနေ ကဲနေတဲ့ လင်လေးကို မျက်စောင့်ချည်း လှမ်းထိုးနေတော့တယ်။ မင်းမင်းကတော့ အဘွားကြီးကို မသိချင်ယောင်ဆောင်ရင်း ကဲဖို့ကိုပဲ ကြိုးစားတယ်။ တစ်ခါတလေတော့ ခွင့်လွှတ်မှပေါ့ဗျာ။ မိန်းမစစ်ရဲ့ အသားလေးတွေနဲ့ ထိတွေ့ သာယာစမ်းပါရစေဦး။ ဖိုစိတ်နဲ့မစိတ် ထိတွေ့ခြင်းက ဖြစ်ပေါ်လာတဲ့ ကြည်နူးသာယူမှုဆိုတာဟာ သဘာဝတရားက ပေးထားတာဗျ သိရဲ့လား။ လူဟာ သဘာဝတရားကို ဆန့်ကျင်ပြီး ကြာရှည်မနေအပ်ဘူး။ မနေသင့်ဘူး။ ဂျိန်းစဘွန်းမကြီး ဒါတွေကို ခင်ဗျား ဘယ်တော့မှ နားလည်မှာ မဟုတ်ပါဘူး။
‘ကဲ… အဖေကြီး ကြွတော့မယ်ဟေ့။ ဒီနန်းမှာ ကြာကြာနေရင် လိပ်ပြာရှင် လင်လုခံရကိန်း မြင်တယ်’
ပရိတ်သတ်က ဝေါခနဲ ရယ်ပေမယ့် မင်းမင်း မရယ်နိုင်ပါဘူး။ မချိပြုံးကလေးကို တပ်ဆင်ပြီး နန်းထဲက မြန်မြန်ထွက်တယ်။ ကိုယ့်ကို ရက်ရက်ရောရာ အသားချင်း ထိထားပေးတဲ့ ကောင်မလေးရှေ့မှာ မျက်နှာ ဘယ်လိုထားရမလဲ။ ဒါမျိုးတွေက မင်းမင်းအတွက်တော့ ရိုးတော့နေပါပြီလေ။ လူပုံလယ်မှာ မဏ္ဍပ်တိုင် တက်ပြနေကျ။ ဒေစီဂျိန်းကတော့ ချစ်လို့ဟေ့လို့ အရပ်ရှစ်မျက်နှာကြားအောင် အော်လိမ့်မယ်။ မင်းမင်းမှာတော့ ရှက်ရုံကလွဲလို့ ဘာများတက်နိုင်မှာလဲ။
‘ညနက်သန်းခေါင်လည်း လထွက်အောင်ပဲ ရွာရိုးကို သူလျှောက်လည်… အိမ်နားနီးတွေ အားနာဦးပေါ့… မောင်မောင်ရယ်… ကိုကြီးကျော်လာရင်… ထန်းရည်အရက်တွေ အမြဲပါသမို့… ခန်းရှေ့ထဲကို မထွက်ဝံ့အောင်ပ… ရှက်လှပြီ မောင်မောင်ရယ်… နေ့လည်းမူးတယ်… ညလည်း မူးတယ်… ထူးလည်း ထူးတယ်… ရွှေတစ်သန်းနဲ့ ရွှေခန်းကျော်ကြီးရယ်’
ဒေစီဂျိန်း နောက်ဆုံးဝင်မယ့် ပခန်းနန်းကို ရောက်တာနဲ့ ဒီနေ့ခေတ်ဖေကြီးကျော်သီချင်းက ဆီးကြိုနှုတ်ဆက်တယ်။ ပခန်းနန်းတစ်ဝိုက်မှာ ကိုကြီးကျော်နဲ့ အကြိုက်ချင်းတူတဲ့ ညီဖွားအရွယ်စုံက ယိမ်းယိုင်ကခုန်ကြလို့။
ပခန်းနန်းထိန်းက ဗောင်းဆောင်းကြီး ဒေစီဂျန်းကို ပျာပျာသလဲကြိုပြီ နောက်လိုက် နောက်ပါတွေကို နေရာချပေးတယ်။ ဝိုင်းတော်တီးရွာစားကလည်း ဆိုင်းတီးရင်းက လှမ်းနှုတ်ဆက်တယ်။
‘ဟေ့… ဒိုး…ဒိုး…ဒိုး…’
ဒေစီဂျိန်း ရှေ့က ကနေတဲ့ နတ်ကတော်က ဒိုးဆွဲပြီး ပေးသင့်ပေးရာတွေကို လက်ကိုင်ကြေးထဲက လျှောက်ပေးရင်း ဒေစီဂျိန်းကို နတ်နေကြီး နတ်ဝါကြီးအနေနဲ့ လေးဆယ့်ငါးကျပ်တန်တစ်ရွက် ပေးသွားတယ်။ နတ်ချော့ပြီးတော့ ကန်တော့လည်း သွားတယ်။
‘တိတ်စေ..စမျှောင်… ပြည်မဟာဖွေရှာ… အသေချာကြည့်… ဝေနေယျာအသိ… ပြည့်ရှင်မင်းကျော်စွာပါနော် သတင်းနော် အဖြာဖြာမလျှင်း… အသိပြည်သူ နောက်မမှားဘဲ… မဏိစည်သူ နောင်ဘုရားပါ မြန်းကြွလာမှာမို့… နန်းဘမရာအတွင်းက နက်မဟီကဟဲ့… မင်းထွက်တဲ့စည်’
မင်းထွက်တော့မှာမို့ မင်းထွက်တဲ့စည်တဲ့။ ဆိုင်းဆရာရဲ့ ပါးနပ်မှုပေါ့။ အောက်နန်းကို လာကတဲ့လိပ်ပြာရှင် ပခန်းမင်းရဲ့ ဂုဏ်အရှိန်အဝါကို သိပြီးသားလေ။ ရွာစားကိုယ်တိုင် မိုက်ကိုင်ပြီလေ။
‘မှတ်ပါ…အဖေကြီးပါ ဘုရာ့…အဖေကြီးပါ ဘုရာ့၊ မူးမှထူး၊ ထူးမှမူးတဲ့ ပခန်းကျော်ကြီးပါ ဘုရာ့’
ဒေစီဂျိန်းရဲ့ မူပိုင်ဟန်အတိုင်း တအေ့အေ့နဲ့ လေပြိုရင်း ဖေကြီးကျော်ဝင်တာနဲ့ ‘ဟေ့…ဟေ့’ ဆိုတဲ့ ညာသံပေးသံတွေ ပခန်းနန်းတစ်ခုလုံးကို ဖုံးလွှမ်းသွားခဲ့တယ်။ မိတ်ကပ်နီရဲရဲ၊ နှုတ်ခမ်းရဲရဲနဲ့ အဆိုတော်မလေးက မိုက်ကို ဟန်ပါပါလေး ကိုင်လိုက်တယ်။
‘ပြောသာပြောရ… မောလှတယ်… လင့်ဝတ္တရားကို သူနားမလည်… သိက္ခာရှိအောင် နေစမ်းကွယ်’
အဆိုတော်မလေးက ဟန်မူပိုပိုနဲ့ ဖေကြီးကျော်ကို လက်ညှိုးလေးထောင်ပြလိုက်တော့ နောက်လိုက် နောက်ပါတွေရဲ့ ‘ဟေး’ ခနဲ သဘောကျသံတွေ ဆူညံသွားတယ်။ ဟော… ထလာပါပြီ။ နောက်လိုက် နောက်ပါထဲက ယိုင်တိုင်တိုင် လူတစ်ယောက် အဆိုတော်မလေးကို ဆုချပါတော့မယ်။
‘နေညိုဆိုရင်ကွယ်… ထန်းရည်ကို သူကြိုက်ပါသတဲ့… နေထွက်နေစောင်းချိန်ထိ… ရွှေကြက်ကို သူလောင်းတယ်… ကိုကြီးကျော်… တကယ့်လွန်လွန်းပါတယ်’
အဆိုတော်မလေးက ဟန်မူရာတွေ ပိုများလာတယ်။ ဆုချတာတွေ ကလည်း များလာပြီလေ။
‘တောင်းပန်ပါ့မယ်… ကျောင်းဒကာကြီးရယ်… အရပ်တကာနယ်တကာ… သူ မပါရင် ပွဲမပြီးလို့… ဇွဲကြီးတဲ့ မောင်ကြီးကျော်ရယ်… ကစားတာလည်း လျှော့ကွယ်… သောက်တာလည်း လျှော့ကွယ်… အမြှောင်တွေထားတာ လျှော့ဦးကွယ်… သာသနာပြုတဲ့ ကိုကြီးကျော်ရယ်…’
ဆိုင်းက ပိုပြီး မြိုင်ဆိုင်သလိုပဲ။ ရွာစားက ခေါင်းတညိတ်ညိတ်နဲ့ ရေကုန်ရေခန်း တီးနေတယ်။ စိန်ပေါ်လွင်ကြီး တီးရပေမပေါ့ဗျာ။ ဖေကြီးကျော် ကြက်လောင်းတော့မယ်လေ။ ကြက်ဖလားထဲကို နတ်ကတော်ရဲ့ လင်ကလေး ကြက်လောင်းကြေးတွေ လိုက်ခံနေပြီလေ။ ထောင်ကျော်မယ့်ဖလားမှန်း မြင်တာနဲ့ စိန်ပေါ်လွင်ကြီးတို့က သိတယ်။ ပခန်း နန်းတီးစားနေတာပဲ အနှစ်နှစ်ဆယ်ရှိပေါ့။ ဖလားကြည့်လိုက်တာနဲ့ ထောင်ဖလား၊ ရာဖလား ဘာဖလားတုံး၊ သိနေပါပြီ။
သိရမယ်လေ။ စိန်ပေါ်လွင်ကြီး မသိလို့ မရဘူး။ ဒီဖလားက ကိုယ်ရမယ့်ဖလား။ ဒီဖလားက ကိုယ့်အသက်၊ ဖလားထဲမှာ ပိုက်ဆံများမှ စိန်ပေါ်လွင်ကြီးတို့ အသက်ရှုချောင်မှာ။ ဖလားထဲမှာ ပိုက်ဆံများလေ စိန်ပေါ်လွင်ကြီး လက်သံပြောင်လေပဲသာမှတ်။
သုံးချီသုံးလားလောင်းတဲ့ ကြက်ဖလား သုံးဖလားက စိန်ပေါ်လွင်ကြီးတို့ ဆိုင်းအတွက်ပဲ။ ကျန်တဲ့ လက်ကိုင်ကြေးကတော့ နန်းပိုင်နန်းထိုင်နဲ့ နန်းထဲထိုင်နေတဲ့ ပေးသင့်ပေးရာတွေပေါ့။
ကြက်လောင်းကြေးဆို ဓါးသွေားကြေးတို့၊ လှေထေးကြေးတို့ဟာ တကယ်တမ်းကျတော့ စိန်ပေါ်လွင်ကြီးတို့နဲ့ပဲ ဆိုင်တယ်။ နတ်ကတော်က မနုတ်ရဘူး။ ကိုကြီးကျော် ကြက်လောင်းကြေးအပြင် ရွှေကိုင်းကတော်တို့၊ အမေရေယဉ်တို့၊ ကိုးမြို့တို့ရဲ့ ဓါးသွေးကြေးတွေ ရှိသေးတယ်။ ကိုယ်တော်နှစ်ပါးရဲ့ လှေထေးကြေးဆိုတာလည်း ရှိတယ်။ ဒါတွေအားလုံးဟာ ဆိုင်းနဲ့ပဲ ဆိုင်တာကို နတ်ကတော်နဲ့ နန်းပိုင် နန်းထိုင်တွေက နုတ်ချင်သေးတယ်။ ဘယ်ရမလဲ။ သူတို့ တက်ပွဲကြေး၊ လက်ကိုင်ကြေး၊ ကန်တော့ကြေးတွေ ရပြီးပြီပဲဗျာ။ စိန်ပေါ်လွင်ကြီးတို့အတွက်လည်း ချန်ဦးမှပေါ့။ ကိုယ်က အလကား ဝင်တီးရတာမှ မဟုတ်ဘဲဗျာ။ နန်းပိုင်နန်းထိုင်တွေကို ပိုက်ဆံပေးတီးရတဲ့ ဥစ္စာ။
သမားရိုးကျရတဲ့ ပခန်းမင်းနန်း ကန်တော့ကြေးက ငါးရာပေးရတယ်။ နန်းလိုတာသုံးက တစ်ထောင်၊ ပွဲတော် ခုနစ်ရက်ကိုပေါ့။ ဒီရက်မှာ စိန်ပေါ်လွင်ကြီးတို့က ဒီနန်းကို လာတတ်တဲ့၊ လာချော့တဲ့ နတ်ကတော်တွေ၊ နတ်ချော့သူတွေရဲ့ ကြက်ဖလားမှန်သမျှရဲ့ ဓါးသွေးကြေး၊ လှေထေးကြေး၊ သဒ္ဓါကြေးတွေကို ရမယ်။
ပိုက်ဆံက ရတာတော့ ရပါတယ်။ ပခန်းကျော်နန်းပဲ။ ချော့မယ်သူ၊ တက်မယ့်သူ မရှိ။ ခြောက်ကပ်နေတဲ့ နန်းမျိုးတော့ ဘယ်တော့မှ မဖြစ်ဘူး။ ချော့သူ၊ တက်သူမရှိ ပခန်းကျော်က အမူးသမား ခေါ်လာတာပဲ။ ပိုက်ဆံက ရပါတယ်။ ဒါပေမယ့် ကိုယ့်မှာလည်း စရိတ်စကတွေက ရှိသေးတာကိုး။ အဖွဲ့အစည်းနဲ့ ထမင်းစရိတ်၊ သရေစာစရိတ်နဲ့ ကိုယ့်တွက်ကိုလည်း မြက်မြက်လေး ကျန်ချင်သေးတာကိုး။ ကဲ… ဆိုင်းသယ်ရတဲ့ကားခကိုက အသွားအပြန် သုံးထောင့်ငါးရာဗျာ။ ထမင်းစရိတ်ကလည်း သုံးထောင့်ငါးရာ၊ လေးထောင်လောက် ကျတယ်။ စုစုပေါင်း ကိုယ်က တစ်သောင်းကျော်လောက်ရင်းထားရတယ် ပြောပါတော့။
ဟိုတုန်းကတော့ ဒီလိုပိုက်ဆံတွေ ဘယ်ပေးရမတုန်းဗျာ။ တစ်ရွာလုံးမှာရှိတဲ့ နန်းတွေက ဆိုင်းအားလုံးကို တီးရတဲ့ လူတစ်ယောက်ပဲရှိတယ်။ ‘ဘိုးဆင်’ တဲ့။ အရှင်နှစ်ပါး ကောက်ထားတဲ့ လက်ယာတော်ဆိုင်းဘိုးဆင်က ဘယ်သူ့တပည့်တုန်းဆိုတော့ စိန်ဗေဒါရဲ့အစ်ကို၊ ဆရာ့စိမ့်တပည့်။
ဘိုးဆင်ရဲ့အမွေကို ဘယ်သူရတုန်းဆိုတော့ ဘိုးဆင်ရဲ့တူ ဦးပြည့်(ဆရာပြည့်)က ရတယ်။ တိုင်းချစ်မောင်လို့လည်း ခေါ်တယ်။ ဇော်ဂျီဖိုဝင်သား စားထားတဲ့ ဝိဇ္ဇာတွေရဲ့သားမို့ ဝိဇ္ဇာပြည့်လို့လည်း ခေါ်တယ်။
ရွာထဲမှာ နန်းတွေကလည်း ဒီလောက် ဘယ်များသေးမတုန်း။ တောင်ပြုံးတစ်ရွာလုံးမှာ အရင်ရှိတဲ့ မူလနန်းက နည်းနည်းလေးရယ်။ အိမ်တွင်း ခုနှစ်ဖော်နန်း၊ စာရေးတော်ကြီးနန်း၊ မန္တလေးဘိုးတော်နန်း၊ မမဥနန်း၊ အမေဆည်တော်နန်း ဒါလောက်ပဲ။
နောက်မှ နောက်တိုးနန်းတွေ ပေါ်လာတာ။ တလိုင်းကျော်နန်း၊ ပခန်းကျော်နန်း၊ ပြေလယ်ပြင်မောင်တော်၊ နှမတော်တို့၊ ပြည်ကန်တော်မောင်နှမတို့၊ အမေရေယာဉ်၊ ကိုသိန်းရှင် ရွှေနဘေ၊ နံကရိုင်း၊ ပသိမောင်တော် နှမတော်၊ သားပိုက်မယ်တော်၊ မငွေတောင်၊ ဘိုးညို၊ သိုက်နန်းရှင်၊ မဏိစည်သူ၊ ဓါးနင်းဘိုးတော်၊ ရွာတော်ရှင်၊ ခမဲ့ဘိုးဘိုး၊ ကိုးမြို့ရှင်၊ ပုလဲယဉ် အများကြီးပဲ။ နန်းတွေက တစ်နှစ် တစ်နန်း တိုးတာပဲ။ တစ်ပြည်လုံးက နတ်ကွန်းတွေ တောင်ပြုန်းမှာ လာစုတာပဲ။
နန်းတွေ တိုးလာတဲ့အကြောင်းရင်းက ရှင်းပါတယ်လေ။ တောင်ပြုန်းပွဲကြီးက တဖြည်းဖြည်း တစ်ပြည်လုံး အတိုင်းအတာနဲ့ စည်ကားလာတော့ နတ်ပွဲကြီးကို မှီနေတဲ့ နှီးနွယ်ဆက်စပ်နေတဲ့ လူအားလုံးစားရသောက်ရတယ်။ ဒီတော့ နတ်ကတော်လုပ်ချင်တဲ့သူတွေ များလာတယ်။ အထူးသဖြင့် မိန်းမလျာတွေပေါ့။ တကယ် နတ်အစစ်မကောက်ဘဲနဲ့ ထိုးဆေး နတ်ကတော်တွေပေါ့။ ကိုယ့်နားလည်မှုနဲ့ကိုယ် ခွဲယူကြတာပေါ့။ စိန်ပေါ်လွင်ကြီးတို့ ပခန်းနန်းဆိုရင် ပွဲဦးဆင်းတဲ့နေ့ ရသမျှကို နန်းထိုင်က ယူတယ်။ လပြည့်ကျော်တစ်ရက် ပခန်းမင်းပို့တဲ့အနေနဲ့ သက်သက်တီးရတဲ့ ပွဲနေ့ရသမျှကို နန်းပိုင်က ယူတယ်။ ကြားပွဲတော်ရက် ရတာတွေကိုတော့ နားလည်မှုနဲ့ ခွဲယူပေါ့။
ပွဲတော်ကြီး စည်ကားလာတော့ နတ်ကတော်၊ နန်းပိုင်၊ နန်းထိုင် လုပ်ချင်သူတွေမှ မဟုတ်ဘူး။ ဆိုင်းတီးချင်သူတွေကလည်း မတရားများလာတော့တာပဲ။ အဲဒီမှာ ပိုက်ဆံပေးတီးတဲ့ နည်းစနစ် စတင်တော့တာပဲဗျာ။ အဲ… ဘယ်နန်းက ပိုက်ဆံပိုရမလဲ။ ပိုရတဲ့နန်းကို တစ်ယောက်နဲ့တစ်ယောက် အလုအယက် ဝိုင်းပေးကြတာတွေ ဘာတွေဖြစ်ကုန်တယ်။ ဒါပေမယ့် ပေးတယ်ဆိုတာ ခုလောက်တော့ ဘယ်များမလဲ။ နည်းနည်းလေးပါ။ ဒီပခန်းနန်းမှာ ဟိုတုန်းက တီးတဲ့ဆိုင်းဆရာ ဦးတင်အောင်တို့လက်ထက်မှာ ငါးရက် တစ်ရာပဲ ပေးတာ။ ချိုးရေတော်သုံးပြီးမှ စတီးရတာဆိုတော့ ငါးရက်ပဲ တီးရတာကိုး။ ဟိုတုန်းက အရှင်နှစ်ပါး ချိုးရေတော်သုံးပြီး နန်းပေါ်ကို ပြန်ရောက်မှ တစ်ကွင်းလုံးက ဆိုင်းတွေ စတီးရဲတာ။ အရှင်နှစ်ပါး နန်းပေါ်ရောက်မရောက် လူတစ်ယောက်ကို လွှတ်ထားရတာ။ အခုတော့ ဘယ်ဟုတ်တုန်း။ ရေချိုးတော်သုံးနေ့ မနက်လင်းတာနဲ့ တစ်ကွင်းလုံး ပွက်ပွက်ရိုက် စတီးကြတော့တာပဲ။
အဲဒီမှာ စိန်ပေါ်လွင်တို့ ဆိုင်းတွေ အလုအယက် မညီမညွတ်တွေဖြစ်ကုန်တဲ့အတွက် ‘နတ်ဆိုင်းများ ညီညွတ်ရေးအသင်း’ ဆိုပြီး ဖွဲ့ကြရတယ်။ ပွဲတော်ကို ရဟန်းပျို အုပ်ချုပ်တဲ့အချိန်ပေါ့။ ကိုယ့်ဟာနဲ့ကိုယ် ကိုယ့်အထက်မြန်မာပြည်၊ မန္တလေးဆိုင်းတွေချင်းမှ လုယက်နေရတဲ့ထဲမှာ အောက်မြန်မာပြည် ရန်ကုန်ဆိုင်းတွေက ဆင်းချလာကြပါလေရော။ ဘယ်ရမလဲ၊ နတ်ဆိုင်းများ ညီညွတ်ရေးအသင်းကနေ ရဟန်းပျိုအဖွဲ့ကို ကန့်ကွက်တာပေါ့။ ရန်ကုန်ဆိုင်းတွေ ချက်ချင်းပြန်ရတယ်။ အဲဒီထဲကပဲ အခုထိ ရန်ကုန်ဆိုင်းမတီးရဘူး။ ရဟန်းပျိုအဖွဲ့က တစ်ခါတည်း ဈေးနှုန်းသတ်မှတ်ပေးလိုက်တယ်။ ပွဲတော် တစ်နှစ်ကို ငါးရာနဲ့ တီးစေလို့။
မလွယ်ဘူး၊ မလွယ်ဘူး။ အတိုက်အခိုက်တွေကတော့ နာမည်ကြီးတဲ့ နန်းပေါ်မှာ မူတည်ပြီး ရှိနေတာပဲ။ ပိုက်ဆံရတဲ့နန်း၊ တန်ခိုးရှိတဲ့နန်းဆို အတိုက်အခိုက်များပြီပဲ။ နန်းချင်းက မတူဘူး။ လူတန်ခိုးရှိတဲ့နန်းရှိတယ်။ နတ်တန်ခိုးရှိတဲ့ နန်းရှိတယ်။
ပိုက်ဆံရှိတဲ့၊ ဂုဏ်ရှိတဲ့ လူတွေဝိုင်းကိုးကွယ်တဲ့ နတ်ကတော်တွေ အတက်များတဲ့ အချော့များတဲ့နန်းဟာ လူတန်ခိုးရှိတဲ့ နန်းပေါ့။ ပြောနေစရာမလိုဘူး။ လူတန်ခိုးရှိတဲ့နန်းက ပိုက်ဆံပိုရတာပေါ့။ စိန်ပေါ်လွင်ကြီးရဲ့ ပခန်းကျော် နန်းကတော့ လူတန်ခိုးလည်း ရှိတဲ့နန်း၊ နတ်တန်ခိုးလည်း ရှိတဲ့နန်း ဖေကြီးကျော်ကလည်း စိန်ပေါ်လွင်ကြီးကို တခြားအရာက် မခံပါဘူး။ သူ့အနားမှာပဲ ထားပါတယ်။
နတ်ဆိုင်းတီးစားတဲ့ စိန်ပေါ်လွင်ကြီးကို လူတွေက မေးကြတယ်။ ခင်ဗျား နတ်ယုံသလားတဲ့။
ယုံတယ်၊ စိန်ပေါ်လွင်ကြီး ယုံတယ်။ စိန်ပေါ်လွင်ကြီး အရင်ဆိုင်းပိုင်မရှိဘူး။ ဒီနန်းရောက်ပြီးမှ ဆိုင်းဝယ်ရတယ်။ အိမ်ကလေး ဝယ်နိုင်တယ်။ အိမ်ငှားဘဝက ကျွတ်တယ်။ လွတ်တယ်။ စိန်ပေါ်လွင်မှ မယုံရင် ဘယ်သူယုံတော့မှာလဲ။ ဟော… အရေးအခင်းနှစ် တောင်ပြုန်းပွဲတုန်းက ဆိုင်းတွေအားလုံး မန္တလေးပြန်ရောက်တော့ လက်စွပ်ပေါင်ကြ၊ ရွှေပေါင်ကြ၊ မောင်းပေါင်ကြ၊ ကြေးပေါင်ကြနဲ့ စိန်ပေါ်လွင်ကြီးက အမြတ်ငါးထောင်လောက် ကျန်တယ်။ ဒုက္ခမဖြစ်ဘူး။ ပခန်းကိုကြီးနန်းမှာ စိန်ပေါ်လွင်ကြီး တီးနေတဲ့ အနှစ်နှစ်ဆယ် ကာလပတ်လုံး ရှုံးပြန်ရတယ်လို့ မရှိပါဘူး။ မြတ်ပြန်ရတာချည်းပဲ။ မနှစ်ကဆို မရစဖူး ရတယ်။ သုံးသောင်းကျော်ရတယ်။ ခါတိုင်းဆိုရင် တစ်သောင်းခွဲ၊ နှစ်သောင်းပဲ။
ဒီတော့ စိန်ပေါ်လွင်ကြီးတို့က ကိုကြီးကျော်နဲ့ အရှင်နှစ်ပါးကို ညတိုင်း ကန်တော့အိပ်တယ်။ စိန်ပေါ်လွင်ကြီးကို ‘မ’ တာကိုး။ စိန်ပေါ်လွင်ကြီး ခံစားရတာကိုး။
ဟော ပြောရင်းဆိုရင်း စိန်ပေါ်လွင်ကြီးရင်ခွင်ထဲ ကြက်ဖလားကျလာပြီ။ နှစ်ရာတန်တွေ အတော်များပါလား။ ငွေတွေယူပြီးကြက်ဖလားကို စိန်ပေါ်လွင်ကြီး ရိုရိုသေသေ ထဆက်တယ်။
‘ဟေ့… ဒီဆိုင်းက ဘယ်သူပေးတာလဲကွ’
‘မှန်ပါ၊ အဖေကြီးပေးတဲ့ ဆိုင်းပါဘုရာ့’
‘ရွာစားကကော ဘယ်သူ့တပည့်လဲကွ’
‘ဖေကြီးကျော်တပည့်ပါ ဘုရာ့၊ တပည့်ရင်းကြီးပါ ဘုရာ့’
‘အေး… အဖေကြီးပေးမယ်ဟေ့၊ ကဲ… စိန်ပေါ်လွင်နဲ့ အဖေကြီးနဲ့ နှစ်ယောက်တည်း… နှစ်ယောက်တည်း၊ ဒိုး…’
‘ဟေ့… ဒိုး…ဒိုး…ဒိုး…ဒိုး’
စိန်ပေါ်လွင်ကြီးက ပတ်လုံးကလေးတွေကို သူ့လက်ကြီးနဲ့ မညှာမတာ ရိုက်တယ်။ ပတ်လုံးကလေးတွေပေါ်ကို ဒေစီဂျိန်း ထုံးစံအတိုင်း လေးဆယ့်ငါးကျပ်တန် တစ်ရွက်စီ တင်ပေးတယ်။ ချွေးဥတွေစီနေတဲ့ စိန်ပေါ်လွင်ကြီးမျက်နှာက ပြုံးရွှင်ဝင်းပလို့။ များများပေးပါ အဖေကြီးရေ၊ ဆိုင်းကားလေး ဘာလေး ဝယ်နိုင်အောင် ‘မ’ စမ်းပါဦး။ ဒီနန်းကလည်း ဘယ်မှမရောက်အောင် အတိုက်အခိုက်တွေကို ဖယ်ရှားပေးဦး။
နန်းထဲကို ကျပ်တန်အသစ်အုပ်က ဆုတ်လွှင့်လိုက်တဲ့ စက္ကူအသစ်လေးတွေ မလူပျံကျလာတယ်။ ဆိုင်းပေါ်မှာလည်း ဝဲလို့။ ဒီနတ်ကတော်အကြောင်းကတော့ စိန်ပေါ်လွင်ကြီး သိပြီးသား။ ရက်ရောပါတယ်။ ရက်ရောနိုင်အောင်လည်း တပည့်တပန်းတွေက တောင့်တာကိုး။ ဒီနတ်ကတော်က နန်းကြီးတက်ပွဲကို တစ်နှစ် ငါးပွဲ ခြောက်ပွဲရတဲ့ နတ်ကတော်ပဲ။
တချို့နတ်ကတော်တွေကျလည်း ရှားပါးပါ့ဗျာ။ နတ်ကတော်လုပ်ချင်တာ။ တက်ပွဲတက်ချင်တာလည်း ပျာလို့၊ ပါးစပ်နှေး၊ လက်နှေး လိုက်တာလည်း ချာလို့ ဆိုတဲ့ထဲကပဲ။ နန်းမှာ တက်ပွဲတော့ လာတက်တယ်။ ပြီးတော့ ကြက်ဖလားကျ တစ်ရာနဲ့ နှစ်ရာပြီးရော လုပ်သွားတတ်ကြတယ်။ တချို့ကျတော့ လာချော့၊ ချော့ပြီး ဆိုင်းကို အစိတ်လောက် ပေးသွားတာမျိုးတွေ ရှိတယ်။ အဲလိုအခါမျိုးကျတော့ စိန်ပေါ်လွင်ကြီးတို့ မိုက်ဆွဲပြီး လူမိုက်လုပ်ရတော့တာပေါ့။ ‘ဒီမှာ နတ်ကတော်၊ ခင်ဗျား စိန်ပေါ်လွင်ကို ဒီလို လူပါးဝလို့ မရဘူး။ ခင်ဗျားကနေတာကို ချွေးသီးချွေးပေါက်ကျအောင် ကျုပ် တီးပေးနေတာ ပျော်လွန်းလို့ တီးနေတာ မဟုတ်ဘူး နားလည်လား။ ပိုက်ဆံလိုချင်လို့ တီးနေတာ။ တန်ရာတန်ဖိုး ပိုက်ဆံလိုချင်လို့ တီးနေတာ။ ခင်ဗျား ငွေအစိတ် ကျုပ်က ဘာလုပ်ရမှာတုန်း။ လာခဲ့၊ ကျုပ်ဝိုင်းထဲကို ငွေသုံးရာ လာထည့်၊ တစ်ပြားမလျော့နဲ့။ လာမထည့်မချင်း ဒီနန်းထဲက ခင်ဗျား ထွက်လို့မရဘူး။ ထွက်ရဲထွက်ကြည့်၊ စိန်ပေါ်လွင်အကြောင်း သိသွားမယ်’ တွေ ဘာတွေလည်း လုပ်ရသေးတယ်။
အဲဒီလို နတ်ကတော်မျိုးတွေနဲ့တော့ မတွေ့ပါရ၊ မဆုံပါရစေနဲ့ဗျာ။ ဟောဒီလို ငွေကို ရေလို၊ လေလို သုံးနိုင်တဲ့ နတ်ကတော်မျိုးနဲ့သာ အမြဲတွေ့ပါရ၊ ဆုံပါရစေ။ ဟောဒီလို နတ်ကတော်မျိုး တစ်နေ့ကို ငါးယောက်၊ ခြောက်ယောက်သာ လာ… စိန်ပေါ်လွင်တို့ ငွေလျှံပြီ။
အားရပါးရ တီးနေတဲ့ စိန်ပေါ်လွင်ကြီးကို ဒေစီဂျိန်းက ခုန်ရင်းပေါက်ရင်း လက်ညှိုးနဲ့ လက်မဝိုင်းပြီး ‘ဝ’ တော့ တော်တော့လို့ပြလိုက်တာနဲ့ စိန်ပေါ်လွင်ကြီးက ကပျာကယာ ဆိုင်းချပေးလိုက်တယ်။
ဒေစီဂျိန်းက လင်သည်ကလေး လက်ထဲမှာ လက်အုပ်ချီရင်းပျော့ခွေသွားခဲ့တယ်။ အဘွားကြီး အတော်မောသွားရှာတာလား၊ မူးသွားရှာတာလား မသိဘူး။ သောက်တာလည်း တော်တော်များတယ်။ မိန်းမလျာမကြီး နတ်ဝင်တုန်းက ဖေကြီးကျော်ရဲ့ ကျားကျားလျားလျား ဟန်ပန်တွေ ပျောက်ပြီး သားလေးပခုံးမှာ ကနွဲ့ကလျ မှီနွဲ့နေပုံများတော့ ပါးစပ်ကလည်း ဂျိန်းစဘွန်းမကြီး ထုံးစံအတိုင်း ပေါက်ကရတွေ အော်လို့ နန်းထဲကနေ ယိုင်ယိုင် ယိုင်ယိုင်နဲ့ ထွက်တယ်။
‘ဟဲ… ဟိုရှေ့က လက်လက် လက်လက်တွေက ဘာတွေတုံး’
ကြည့်စမ်း၊ ဒါသိလျက်သားနဲ့ တမင်သက်သက် လုပ်တာ။ မျက်နှာချင်းဆိုင်က တက်ပွဲတက်ဖို့ ထွက်လာတဲ့ နတ်ကတော်လေး ဝတ်စားထားတာကို သူ မြင်ရက်သားနဲ့။
‘ဟဲ… မင်းမင်း၊ ဘာတွေတုန်းလို့ဆို’
‘ဟာ… ခင်ဗျားသိရဲ့သားနဲ့။ နန်းကြီးတက်ပွဲသွားတဲ့ နတ်ကတော် ခင်ဗျား မမြင်ဖူးဘူးလား’
‘သြော်… အေးအေး သနားပါတယ်။ သနားပါတယ်။ ဖြစ်သွားပုံများ စိတ်တွေလှုပ်ရှားနေတာ ဘေးကတွဲတောင် သွားရတယ်။ ဒီလိုပဲ။ အစကတော့ ဒီလိုပဲ။ တို့တုန်းကလည်း ဒီလိုပါပဲ။ ကြောက်ဒူးတွေများ တုန်လို့’
ဒေစီဂျိန်းပြောလည်း ပြောစရာ။ နတ်ကတော် မိန်းမလျာမလေးက စိတ်လှုပ်ရှားပြီး မျက်နှာလေးက ငယ်လို့။ ဘေးက လူနှစ်ယောက်ထိန်းတွဲလျှောက်သွားရတယ်။ စတတ်တဲ့ နတ်ကတော်လေးမှန်း အချိန်ကြည့်တာနဲ့လည်း သိနိုင်တယ်။ ညပိုင်းရောက်ပြီလေ။ နံပါတ် ဘယ်ကောင်းတော့မလဲ။ ကြည့်ရတာ ကိုယ့်နံပါတ်မရောက်ခင် စိတ်စောပြီး အစောကြီးကတည်းက သွားစောင့်တဲ့ပုံပဲ။
‘မင်းမင်း’
‘ဘာလဲ’
‘ငါမူးတယ်၊ ငါ များသွားတယ်’
‘အင်းပါ၊ များရင်လည်း အိမ်ကျ အိပ်လိုက်ပေါ့’
‘အေး… အိပ်မယ်၊ နင့်ရင်ခွင်မှာ ငါအိပ်မယ်’
မင်းမင်းက ငြိမ်သက်သွားတယ်။ ဒါ သူ့အကျင့်ပဲ။ ဒီလိုပဲ ငြိမ်သက်သွားပြီးရင် ထွက်လာတတ်တဲ့ ခပ်တိုးတိုး ကြိမ်းမောင်းသံလေးကို ဒေစီဂျိန်း မျှော်လင့်နေတယ်။
‘အရှုပ်မကြီးနော်’ ဆိုတဲ့ ကြိမ်းမောင်းသံလေးလေ။
‘မင်းမောင်၊ ငါပြောတာ ကြားလား’
ကြည့်လေ… ကိုယ်က သူ့ကို နှစ်ယောက်တည်းကျမှခေါ်တဲ့ နာမည်ခေါ်ပြတာတောင်မှ သူ့ဆီက ငြိမ်သက်မြဲ။ မင်းမောင် နင် ငါ့ကို မချစ်တော့ဘူးလား။ ငြီးငွေ့ပြီလား။ ဒီမှာ နင်က ဘယ်လောက်အေးစက် အေးစက် နင့်ကို ငါချစ်တယ်။ နင့်ရင်ခွင်မှာ ဒီညငါအိပ်မယ်။
Aug
31
2010
အဓိပတိ 